السلام عليكم

اشحالكم حبوبات؟؟

نزلت قبل اسبوع تقريبا موضوع عن الــكــحــه اللي ملعوزني
وانا من الشهر السادس وفيني هــالــكـــحـــه والحين بالثامن
والله وايد ملعوزني
وانا قلتلكم قبل انه ياثر وقت الولاده
وقلت اني احاول اسوي بوش الحين
حنجرتي تعورني ويزيد الكحه واحس بضغط في بطني

سويت كل اللي قلتولي عليه
ادويه وخذيت
ومضاد وخذيت
وعسل وليمون وخذيت

حبوووبات حتى اني التمر ما اقدر آكله اذاكليته
يزيد يزيد بواااايد..((الوحده لازم تاكل تمر لانه مفيد))

اسألوا كل حد يعرف عن هالشي
دخيلكن ساااعدوني
انا قالوا اني بربي قبل موعدي
وانا بالثامن وبدخل التاسع بعد 3اسابيع على حساب الدورة
وعلى حساب السونار بعد اسبوع

يعني تتخيلون كيف بيكون ولادتي
كل ما اسوي بووش اكح ويرد يدخل الياهل
انا بتعب وهو بعد بيتعب
واخاف الدكتورة تسويلي عمليه

الله يعطيكم العافيه ويسهل ويهون عليكم ولادتكم
ويرزق كل محرومه..ويرزق كل بنت بزوج صالح

عطوووني حل
واللي ما تعرف تدعيلي

لاني محتاجه لمساعدتكن ودعواتكن
بعد عون الله سبحانه

اللهم ارزق كل وحدة تتمنى الحمل بالذرية الصالحة عاجلا غير آجل اللهم آمييييييين

اللهم عاملنا برحمتك

وبشر الصابريييين

اللهم إني أحمدك على كل المحامد ما علمت منها وما لم أعلم وأشكرك على كل النعم ما علمت منها وما لم أعلم.

يبت الطحانه وقشرت بصل هيه لاتستغربين بصل وطحنته عقب يبت المشخله وشخلته يعني طلعت العصير يعني صار عندي عصير بصل وطبعا وااايد ثجيل على بنتي يبت عسل اصلي ويستحسن يكون حولي وخلطه وياه وشربتها له بالغصب تعرفي ياهل وينقص عليها بسرعه

والله يومين وخازت عنها الكحه حتي يوم زاعته وانتي بكرامه ظهر كللللللل البلغم جربي بس ترا مفعوله قوي يعني الريحه اتم شوي يعني انصحج تاخذينه يوم ريلج يكون دوام او يوم تكونين في بيت هلج