السلام عليكم و رحمة الله و بركاته
شحالكم خواااتي شو صحتكم؟
ان شاءالله بس خلصتو غريضات العيد 
اليوم احب افتح موضوع عن السكن في بيت اهل الحرمه, احب انوه ان الموضوع بس للنقاش و تبادل افكار و هل هالشي عادي
ولا لا؟ مب الموضوع للضرابه لاني احب اسمع راي البنات و المتزوجات ..من باب التثقيف لا اكثر
لاحظت هالفتره ان ماشاءالله في فئة من المتزوجات تكون ساكنه في بيت اهلها مع زوجها و عيالها و لاحظت ان هالفتره
زاد هالشي وااااااايد و يوم اسال ليش في بعض منهم يقولولي نحن ما نصبر عن اهلنا و في البعض بسسب ان ريلها من اماره
و هو ما عنده سكن فالاماره الي اهل زوجته يعيشون فيها و الي يشتغل فيها وووو الخ و تختلف الاسباب في النهاية .
انا عن نفسي حبيت الفكره و حبيت تفهم بعض الزوجات لظروف زوجها و بنفس الوقت تقديرها حق اهلها وتكون جريبه منهم
و بنفس الوقت مهتمه بزوجها.
وانا افكر بعد لو صار نصيب و تزوجت اسكن فبيت اهلي ف حال لو كان من اماره غير عن امارتي اما لو من نفس اماراتي
اكيد ف بيت اهله او بيت منفصل المهم جريب من بيت اهلي 
و شو رايكم انتووو هل تايدون هالفكره و لا لا
هلا حبيبتي
انا ما ايد ابدا ان ارجع اسكن مع ريلي بيت بابا الا مثلا لاسباب قاهره اني مثلا ارمم بيتي او اني اصبغ البيت و عيالي ما يتحملون الريحه بس بفضل اني اروح فندق او اروح بيت ابوه ..
انا ريلي موب من الشارجه من منطقه ثانيه يداوم في الشارجه و كان في كلام بيت اهله ان ليش ما اسكن بيت بابا قطعن الكلام من الاخر وقلت انا عرست عشان استقل وابدا حياتي واستقر خلاص ..
الريال لازم يكد على حرمته لازم تخليه يفتحله بيت مهما كان دخله اذا دخله وايد داون ممكن تساعده من فلوسها مافيها شي بس تبني حياتها بعيد عن بيت بابا ..
الريال لازم يكد ويشتري ويصرف ويجابل عياله .. في بيت الابو هو مكفل باشيا معينه فقط ما يدري عن الاشيا كلها
فالافضل عن تجربه تخلينه ياخذ سكن وموب مشكله جريب بيت امج لان الحرمه تحتاج بيت امها وااايد
مثلا انا عيالي الصبح بيت ماما وحتى الغدا من بيت ماما بس من بعد ساعه 2 الظهر خلاص
اروح شقتي صح انها صغيره بس ها مكاني خلاص لازم اتعود عليه وارجع وارتب وانظم حياتي
ا
لا طبعا
أبد ماأفضل هالشي الا لظروف صعبة وطبعا وحتى لو قبلت بتكون لفترة بسيطة
الريال بيخسر هيبته لو عاش في بيت اهل حرمته
انا افضل اني اسكن في بيت قريب من بيت اهلي او حتى في نفس الامارة بس مب في بيتهم
احيانا طبعا لو ريلي مسافر او شي جي بسير غرفتي في بيت ابوي
اما ان انا وريلي وعيالي عايشين معاهم جي كل يوم،، لا ابد ما ارضى هالشي
مارضاه على نفسي ولا على ريلي
بالرغم من ما بقصر في اهلي بس مب معناته اني كل ليل نهار راقدة عندهم
ولا افضل ان الوحدة تسكن في بيت اهل ريلها الا لظروف
افضل ان شاء الله يو تسوي لها ملحق في بيت اهل ريلها او تاخذ لها شقة المهم لازم يعيشون رواحهم
بدون تدخل اهل الزوج او الزوجة
كل عام وانتي بخير اختي.. الرجل حسب علمي لازم يفتح بيت ..
ولكن بعض الرجال دخلهم محدود جدا ولكن عندهم رغبه في الزواج … فيحصلون حد يقبل سبحان الله ويرضى يسكنون في بيت الزوجه
عشان اخلاقه او الى ان يكون عمره … بس يعتبر نوع ما غلط عشان مايصير اتكاليه!
يعني مثلا اعرف بنت متزوجه ابن عمها … ماصرف في العرس وغيره الا شوي حسب علمي .. وتزوجها وهو مايشتغل!!!!!
هي اشتغلت مدرسه في معهد وراتب بس 2024 كبدايه … وأهلها تكفلوا بكل شي وهله بعد …
وبعد فتره اشتغل … والحمدلله …. بس كان بعد في مجال يطول ليييين مايحصل شغل وتصير بهذله….
فالزواج اختي لازم فيه تحمل مسؤوليه … ناس اول يمكن عادي عندهم عشان كل شي يمشي الحال … يعني أي بيت واي اكل عادي
الحين صعب .. اجار البيت اقل شي 32 ومايتسع والكهرباء والماي وغيره …
وثاني شي الحرمه تريد بيتها! يعني ليش تتزوج ؟؟؟؟؟؟؟؟؟؟ سؤال يطرح نفسه! عشان تعيش مع الاهل وهو يعيش مع اهله!
كيف هم كبار الحين…. لازم تخلي واعتماد على النفس
أحسها صعبة شوي .. أغلب الرياييل ما يرضون يسكنون في بيت أهل الزوجه
الفكرة حلوة
و يعتمد ع طبيعة العلاقة مع الاهل
مو شرط اللي يسكن مع اهل حرمته يعني دخلهم محدود و بسيط !!
انا عندي بنت خالتي و بنت عمتي ساكنين مع اهاليهم وما عندهم غيرهم لان الباجيين طلعوا في بيوت بروحهم
ما اظن اي وحدة تهون عليها تودر امها و ابوها في بيت روحهم بدون ونيس !!
الدنيا دوارة باجر بيى دوري و بكون وحيدة ؟؟
ع الاقل انتي في الدوام و زوجج في الدوام و اهلج يستانسون بعيالج و يجابلونهم بدل الخدم ؟؟؟
انا عن نفسي انا و ريلي كلوز مع اهلي وايد
و اخواني كلهم ساكنين برى البيت مع حريمهم يعني البيت فاضي عليهم !
و اهلي وايد حنونييين ع عيالنا
و عندي ملحق صغير خاص فيني في بيت اهلي
بس نحن ساكنيين روحنا في بيت منفصل
متى ما ربيت ع الاقل ريلي و عيالي وياي في الملحق و نحن مرتاحين في الاربعين
متى ما سافرت مع ريلي و اخلي عيالي هناك مع خواتي او اهلي
يعني عندي مكان مخصص حقي و حق عائلتي الصغيرونة فقط
الحين اهلي يبنون بيت و يحنون علي اسكن وياهم قالوا بيعطوني طابق كامل مكمل
بس انا رافضة الفكرة مبدئيا لان عندنا بيت و لان ابغي اكون مستقلة مع ريلي 
و ريلي اقترح علي يشتري بيت حذال اهلي
ما فيها شي سواء اهل الزوج ولا اهل الزوجة
دام عندكم اهل عسل و يحبونكم ما في وحدة بتقول لا
اما عن الزوج عادي بيصرف و يشتري و يدفع الفواتير كالمعتاد يعني مب ساكن بببلاش طول العمر
الحمدلله ريلي مب من هالنوع من الرياييل مايرضى ولا يقبل يسكن ف بيت اهلي لو شو ما صار
الريال يوم بيعرس المفروض يكون مفكر وين بيحط حرمته عند اهله او بيت بروحها واللي مايقدر ع هالشي لا يعرس اخير
وبالنسبه للي ماتصبر ع فراق اهلها لا تعرس بعد 