الزوج والملابس الداخليه

شو شعوركم لما تروحون مع ازواجكم لشراء الملابس الداخليه انا بصراحه ندمت وانحرجت من تعليقاته صج بتسمعون تعليقات تصدم من كيف يشوفج الزوج

انا عن نفسي يوم اسير اشتري ملابس داخليه لازم زوجي هو اللي ينقيهم واذا اشتريت من وراه يزعل ويتضايق لان له ذوق معين وفي اشياء يديده يشوفها ويحب اني اجربها وبالعكس حتى لو حصلت تعليق من عنده على شي انا اخترته احترم ها الشي واعطيه وجهه نظري

انا ما احب اتشرى و ريلي وياي , لازم ايعلق!!

ههههه صراحة احس شيء يفشل اقوله تعال ودني سوق ومن هناك ابا اسير اشتري ملابس داخليه حقي والله ما افكر حتى اني اقوله استحي خخخ لين الحينه ما جربت ولا بجرب

انا صارلي 6 شهور معرسه ، بس ولا مره اشتريت ويا ريلي
اصلا استحي واحبه يشوفه علي عطول ، ولا اؤيد ان ريلي يكون وياي الا لو هو طلب

احس مب حلوة في حقه انه يدخل محل يخص الحريم لا وملابس داخليه
مهما كان بتلاقين حريم يبن يتشرن وياخدن راحتهن فالمحل .. الافضل انه مايدخل هالاماكن واذا له ذوق معين اكيد بتعرفين اي نوع يفضل بدون مايدخل المحل

انا ساعات اذا كنت بروحي اشتري بروحي..

بس انا ما فهمت من الخوات.. شو نوع التعليقات الي يعلقونها الازواج وتخليكم تنحرجون… ممكن مثال. بس عشان افهم قصدكم ..