السلام عليكم بنات وسيدات
عندي سؤال ودي ايجابه عنه وهو هل عادي اسوي تقويم وأنا توني بملج ؟
هل يضايج الشخص الآخر أو لا
لأنه لو يضايق بغير رايي وبسوي إنفزلاين مع إني استشرت الطبيب
ونصحني ببالتقويم العادي لأنه اسرع ونتيجته أفضل يقول الإنفزلاين لو ما إلتزمت
ممكن علاج الأسنان يطول وممكن تحصل أخطاء
شو رايكم ؟!
حبوبه مبروووك الملجه مقدما الله يسعدكم
اول املجي عقب اخذي شور ريلج
لو رضى بالتقويم حطي تقويم
احس عادي موب مشكله
صكتي باجر عندي موعد اسنان وانا معرسه
يمكن الدكتور يشور عليه بتقويم بعد 
الثاني اللي قلتيه ما عرفه انفرلاين
هلا فديتج اختصري ها كله و سوى فينير جلسة و مخلصه بس أهم شيء لون الأسنان يكوووووووووووووون موحد و طبيعي
شروقه
الله يبارك فيج حبيبتي
الأحلام العظيمة
الفنير لازم يسحتون فيه الأسنان ؟
أنا ما أبغي أضر أسناني الأصليه
سحت بسيط مايضر و شي لومنير اخف
انا مع شروقه بالاول تزوجي وبعدها شاوري ريلج يمكن هو يعارض على هالشي
وموفقه يارب
أنا من رايي أحب الأسنان الي مب مرتبة تعطي طفولة للوجه ( يعني أنا ضد التقويم من الأساس ) إلا لبعض الحالات الشاااااااذة والأوفر الي لاااااازم يسوون تقويم ..
المهم
عن موضوعج رايي بعد العرس مب الملجة إذا حابة تركبي ركبي عشان يوم العرس تكوني بدون تقويم والصور إذا بتتصوري تكون حلوة
وبعد في شي التقويم أحسه يسبب ريحه فالحلج مثل ريحة الحديد ,,, و الفنير والماعرف شو الي يقولون عنه إبعدي عنة تماما لان إذا الدكتور مب شاااااااااطر ممكن يتم فراغ بين الأسنان الأصلية و الي يركبونه وهني يتجمع الأكل وتطلع ريحه لا تطاااااااق ….
والحمد لله إنج أصلا مب مقتنعه فيه
هذه معلاوماتي عن الموضوع و رأيي يحتمل الخطأ و الصواب …
اسمحيلي طولت عليج ( موفقة إن شاء الله و الله يباركلج حياتج الزوجية المستقبلية )