السلام عليكم ورحمة الله وبركاته
سيداتي:
أنا من سنة تقريبا سويت فحص على الرحم عند الدكتورة كاميليا وقالت لي ان عندي زائدة لحمية في الرحم..ولما رحت لزينب قالت لي نفس الرمسة ..نصحوني بازالتها اما غسيل او منظار بس هم عياداتهم ما تسوي هالعملية…
فاتمنى اللي جربت عملية الزائدة اللحميه في الرحم ..تقول لي وين سوتها ؟واللي ما جربت وتعرف حد سواها تفيدني الله يجزيها الخير…
فكرت في مستشفى الزهرة بس ماعرف يسوونها او لا ؟
ابا حد مجرب يكلمني عن تجربه مع الزائدة اللحمية في الرحم واعراضها ؟
والله يوفق كل من ترد علي ويحقق امنياتها
اتمنى يا بنات ترفعون الموضوع لين احصل الرد
الله يشفيج ماعندي فكره بس حبيت ارفع الموضوع
للرفع ماعندي علم
ان شاء الله البنات يفيدوج
ننتظر الجواااب وانا نفس الحاله
الله يعين الجميع ان شاءالله
للرفع
الله يشفيكم ويعافيكم
انا عن نفسي استوتلي اللحمية هذي في الرحم والدكتور قالي اللحمية نوعين في الرحم
~في على شكل الدمعة وهذي بسيطة مجرد بنج سريع وانشيلها لج وتطلعين من المستشفى نفس اليوم
~في النوع الثاني الي هي شكل الكرة دائرية وهذي شوي اصعب بنج كامل ويسوولج كشط للرحم عشان يشلونها وتتنومين لمدة يوم او يومين بالكثير
وما يفضلون المنظار لان يسبب عقب اذا الوحدة حملت وتبغي تربي لازم بعملية قيصرية لان خبو الرحم
انا الي كان فيني النوع الثاني وسويت العملية في مستشفى توام من سنتين
واذا بغيتي تسئلين اسئلي وبجاوبج اذا كنت اعرف