اشحالكن اخواتي
حبيت افتح موضوع كلنا نحن نعيشة ونمل اكيد منه
وبعض الاحيان اتيينا مشاكل منه هالشي
اخواتي خلينا نفتح صفحات يديدةونكون لنا فيها عناوين نتناقش فيها
انا الحين فتحت هالموضوع لانا نريد نغير من حياتنا اليومية واللي هو الروتين اليومي
طبعا اخواتي المتزوجات اذا انتي ماهتميتي بمنظر البيت او في اي شي اكيد بعض الازواج يتظايجون من هالشي
اكيد لازم تغيرون من هالشي
انا دايماً اريد اغير من امور فيني لكن مرات تظربني العيازه واحس وقت الفراغ ما كلني مع انه ما عندي شي اسويه
خصوصا يوم ماعندنا دوامات (اقصد المدارس)
واصلا حتى فالمدارس يكون فيه روتين يومي ليش لا!!!!!!!
انيي من الدوام نرد البيت نحل الواجبات ونيلس مع الاهل والللي مشغول يدرس عياله ومن هلاشياء
والحين اي وحده كل وحده فخاطرها موضوع تطرحه الكل بيشارك فيه عالاقل بنخفف لبعض الاخوات اللي عندهن مشاكل في حياتهن
سبحان الله يمكن احد من الاخوات تقول كلمه وتكون سبب في صلاح علاقة الاسرة وشوفي جم من الاجر تاخذين
وشكراً اخواتي لانكن عطيتني شوي من وقتكن وانشا الله يكون في تفاعل بين الاخوات
حلووووووو موضوعج وهذا ألاحساس أحس فيه يعني عندي الأمس شرات اليوم و اليوم شرات باجر مع أني صح أشتغل بس هم ملل يعني ما في شي يديد أسويه والله مع أني حابه أكسر هالروتين الممل بس ما أعرف كيف أكسره؟
المشاركة الأصلية كتبت بواسطة law 
تسلميلي اختي عالمرور
فبما انج اختي تشتغلين
شو رايج انج اتيمعين عيال الاهل فيوم وتسويلهم مسابقات واللي
يفوز تقدميله هديه بسيطة
هب حلوووووو
هذا راي وانا احترم وجهه نظر كل وحده تكتب
وبغمكانج انج تحطين فكرة ليش لا ……..!