سلام بنات ..
منو منا ما تعاني من الرؤوس السوداء؟؟؟
بس ولاوحدة تعرف علاجها أكيد لا ؟
أتمنى كل وحدة تنورنا بتجربتها مع هالمشكلة ؟ أنا كل ما أزيلها تطلع مرة تانية وما ألاقي حلها يلا نبي انفيد ونستفيد
حبيبتي حسب نوع البشره
شي أنواع من البشره عندها قابليه لتكون الرؤوس السودا
وشي انواع من البشرات ثلاث اربع مرات تنظيف عميق وخلاص ما ترجع مره ثانيه
انا عن نفسي احس احسن سكراب ممكن ينفع للرؤوس السودا ماسك الحبه السودا المطحونه والحلبه
بما انن الغالبيه ما تحب ريحة الحلبه ممكن تكنسلها من الوصفه بس الصراحه مفعولها عجيب
1 ملعقه صغيره حبه سودا مطحونه
1 ملعقه صغيره حلبه مطحونه
اخلطيهم عدل ويا بعض وضيفي لهم واحد من الخيارات التاليه :
روب
أو
ماي ورد
تتكون مثل العجينه اللينه وادهني بها ويهج النظيف لمدة دقيقه واتركي الماسك على ويهج لين ما يجف
بللي ايديج بالماي وافركي البشره لمدة 3 دقايق واشطفي ويهج بالماي البارد
استخدمي التونر بعد ما تجففين البشره عشان تسكرين المسام
ررررررررررررررفع
استخدمي كلين اند كلير او نيتروجينا وايد بينفعونج
ولاتخلين الميكب على بشرتج فترة طويلة
انا عندي حل نهائي وانا مجربته و عقب شهر
يلست ادقق ع ويهي اشوف ما شاء الله تبارك الله الرؤوس السوداء كلها راحت مرة وحدة
1- اشتري لج غسول خاص بالبشرة و اهم شي غسول يجفف الويه
2- خذي لج مرطب خفيف استخدميه عقب ما تغسلين ويهج اهم شي يكون خفيف
3- اشتري لج مقشر خاص بالويه تاكدي ان اي مقشر تاخذينه تكون حبيباته كبيرة و قوية يعني مقشر عدل مدل ع قولة الكويتييين << شرات ماركة كليراسيل -كلين اند كلير – نيتروجينا
4- امسحي ويهج يوميا بأسكينول الليمون
5- لا تنسين تمسحين ويهج اول بأول من المكياج
اهم شي
الصبح غسلي ويهج بالغسول –> نشفي ويهج بفووطة —> حطي المرطب —–> عقب ع العصر او اي وقت يناسبج امسحيه بأسكينول —-> قبل ما ترقدين اغسلي ويهج بالغسول مرة ثانية —> حطي مرطب و ارقدي
بِسْمِ اللهِ الرَّحْمَنِ الرَّحِيم
رب اشرح لي صدري .. ويسر لي أمري .. واحلل عقدة من لساني .. يفقهوا قولي ..
مشكورات خواتي على النصايح 
