الدونات ، فشل للمرة الثانية

مسا الخير بنات ، حريم و أمهات ، شحالكن عساكن بخير ، جمعة مباركة ، تراني تلعوزت بمكينة الدونات هاذي الدونات، يا يطلعلي لون واحد من تحت أوكي ما مشكلة نفس اللون لكن من فوق مخلوط شوي بني وشوي أبيض ، ما عرفت شو سالفتها ، مع أني حطيت زيت أقصد أني مسحتها بالزيت(سويت نفس ما قالتلي أم خليفة وهي عضوة في المنتدى )قبل لا أصب العجين فيها ، وبعدين كلما أبدأ أحط العجين لازم افصلها عن الكهربه عشان ما تحرقني وأدهن قوالب المكينة ، بس الطعم شو فظيع ، ومكينتي ما فيها مضبط حرارة ، اللي عندها المكينة تخبرني كيف تستعملها ، تراني أنا وحدة تحب تتعلم والدليل على كلامي إيدي اللي صايرة متبقعة من حروق الفرن والزيت مع أني بعدني ما تزوجت (سوري راح تفكيري بعيد) المهم ما بطول عليكم وهاذي صور دوناتي مال اليوم العصر ، شكلهن يفشل .

فديتج نفس الحالة

تطلع كل جهة بلون انا عندي الطبقة التحتية تتحمر عدل والفوقية لا عشان جي اقلبها بعد ما تتحمر من تحت

سويت نفس طريقتج بعد بس ما تنفع ، ما في حل حق هالمشكلة ، أحس أنه خسارة ما اشترتها أمي ما فيها فايدة