السلام عليكم ورحمة الله وبركاته
خواتي بارك الله فيكن انا مربية طبيعي ومسوية بعد 4عمليات قيصرية .. واصغر عيالي بنية عمرها سنتين ونص
وصار لي 6 شهور مركبة اللولب ..طبعا كنت مقررة احط اللولب حق 5 سنين
المشكلة ان اخر دورة تاخرت 6 ايام 
وانا ما اريد احمل .. بموت من الوسواس وحتى ريلي ما يبا ياهل يديد ..
هل حصل وياكن حمل فوق اللولب ؟ وشو سويتوا
شو رايكن في الدكتورة انديرا هي ركبت لي اللولب؟
هلا خواتي محد رد علي 
اليوم سويت فحص وطلعت حامل 
الحين انا خايفة واريد اعرف ان كان شي اضرار على الجنين او علي
الي مر عليها مثل حالتي تخبرني جزاها الله خير
حبيبتي على طول روحي راجعي عند دكتوره شاطره وخبريها انج حملتي ع اللولب .. انتي قلتي انديرا اتوقع انج من راس الخيمه .. اذا من راس الخيمه سيري عند د كرامه او سهاد او نورميلا .. الله يتمم حملج ع خير وكل شي خيره
غريبه انا كم مره حطيت لولب وما حملت
6 سنين ما حملت يوم شليته حملت
الحين انا نفاس وناويه اركبه عقب الأربعين خفت من قريت سالفتك
وين ركبتي خاص ولا حكومي
الله يعينج انا مركبه وع أعصابي
المشاركة الأصلية كتبت بواسطة الجوري1991 
هي نعم اختي سرت العيادة وخذت موعد في مستشفى صقر.. وان شاء الله ما يصير غير كل خير
وجزاج الله كل خير على ردج حبيبتي
المشاركة الأصلية كتبت بواسطة um_maryam 6 سنين ما حملت يوم شليته حملت
الحين انا نفاس وناويه اركبه عقب الأربعين خفت من قريت سالفتك
وين ركبتي خاص ولا حكومي
والله يا اختي ما توقعت ابدا اني بحمل وما كنت ناوية ومكتفية بالي عندي .. واصلا يوم كنت انوي الحمل ..اخطط وحتى اكل كلوميد وغيرها لاني ما احمل سرعة بسبب الحبوب (كنت اكل جينيرا قبل) تركتها بسبب الحساسية الي عندي
ولكن سبحان الله ..رزق من الله والحمد لله على كل حال
ومشكورة على الرد الغالية