الحمدلله على كل حال ، الله يعيني =(

بدخل في الموضوع على طول

بالبدآية الحمدلله على كل حآل

بخبركم بأشيآ حاليآ تصيرلي مستغربة منهآ

بالبدآية أنآ كنت شآطرة في الدرآسة والحمدلله ومن دخلت الجآمعة فشلت بالدرآسة وانطردت وأعتقد خبرتكم بهالموضوع ومآبآ أخوض بهالموضوع مرة ثآنية لأن ولله الحمد رديت أدرس بجآمعة ثآنية وهذآ من فضل ربي ومن ثم فضل أمي وأبوي علي

الشي الثآني ، إني الحمدلله بنآت أني أنآ منآعتي قووووية من كنت صغيرة
يعني الحمة عآدي تمر سنين وأنآ مآ شفتهآ ، الكحة والزجآم أحس إني مآ أتذكر متى صآبني هالشي ، يعني حبيت أبين لكم إني نآدرآ مآ أمرض وحتى لو مرضت كله بإيد الله سبحآنه والحمدلله مليوون مرة سوآء ع المرض ول على العآفية

بشرتي الحمدلله الحمدلله صآفية ومآفيهآ شي ، بيبي فيس يعني على قولة بعض البنآت
شعري نآعم وحلوو ، وكنت دآيمآ أحب أغير تشكيلته ، مرة بآف ومرة ذيل حصآن ومرة أرفعه
وتقريبآ كنت أحلى شعر بالعآيلة

المهم حبيت أقولكم أني مآ أوصف عمري ، بس شوفوآ شو صآر لي

تقريبآ من كم من شهر ، مآ يمر شهر إلآ مآ أمرض 4 مرآت أو أكثر
حمى ، زجآم ، كحة ، الله يعزكم اسهال ، صداع

من كم من يوم أنآ مستوية رآعية العيآدة ، من مستشفى لعيآدة
الحمدلله لك يآ رب على كل شي
لو كآن هذآ ابتلآء يآ حظي والله ، تنغفر ذنوبي و آخذ أجر من الله سبحآنه

انيي للنقطة الثآنية بشرتي
قآمت تظهرلي حبوووب ، دوم هالحبوب أشوفهآ بأيآم الدورة أمآ ألحينه بأي وقت
والحمدلله تلآحقت وعآلجتهآ

شعري طآآآآآآآح بشكل فظييييع ، لدرجة يوم أتطآلعه أصيييح ، أقول شوو صآر فيني
لدرجة شكيت ربي يعآفيكم ويعآفينآ جميعآ ان فيني الثعلبة
ويوم جيكت قآلتلي إن مآفيج هالمرض وحمدت ربي مليون مرة
دوم شعري سآيح بس ألحينه يوم أشوفه أحسه مستوي ناعم بس على خشوونه يعني اختتتترررب

مآ يمر يوم إلآ وأحس إن عندي ألم بجسمي
أهلي مستغربين مني

والله مآ أعترض على اللي الله كتبه لي
والحمدلله مليوووووووووون مرة

الكورس الأول بالجآمعة كنت امتيآز وهالكورس درجات الإمتحآن مثل الزفت
وأنآ عآد قآيلة معدلي لكل حد ، مب غرور ، بس لو فرحت على شي ، أحب اللي حولي يفرحون ويآي

بنآت قولولي هذآ عييين ول شوو ؟؟

صح العين حق
بس أنآ مآ آخذ على كل شي صآبني على إن حسد ول عين

أحط مليون مبرررر ولآ أييب طآري العين
مآحب أعيش عمري بكوآبيس وهالسوآلف

بس عقب اللي صآرلي ، مب عآرفة أحكم على الموضوع

ولو ابتلآء من ربي قلتلكم يآآآ حظي
بس لو عين ، شو الصرفة

وان شاء الله خير

عيل لو شفت انا شو استوا فيني هالسنة و الله بتقولين مشكلتج اهووووووووووون