عزيزاتي الحقوني قهوتي ما ادري بلاها ؟؟
أول دايما قهوتنا حلوه والكل يمدحها بس الحين ما ادري ليش طعمها تغير ؟؟
وكم مره غيرت نوعها وانا ادور من محمصه لمحمصه ..
وكل ما اشرب عند حد قهوة وتعجبني اسالهم من وين واروح اشتريها ,,
بس طعمها يختلف وما يعيبني موول ؟؟
قولولي شو الحل ؟؟
ووين ممكن أحصل قهوه عربيه حلوه ؟؟؟
انا مدمنة قهوه وما اقدر اصبر عن القهوة ,,
ساعدوني الله يخليكم ..
انحرج اذا حد زارني وشرب قهوتي احس انها مب بجوده عاليه
(ههههه حلوه بجوه عاليه ) المهم ..
يا ليت كل وحده تقولي من وين تشتري القهوة
وكيف الطريقه اللي تفور فيها القهوة ؟؟
وجزاكم الله خير …
نحن بروحنا نسويها انا عني احط خاشوغتين في الدله ونص خاشوقة هيل مطحون وصب عليه الماي
"""""""""""""""
ام بمكانج تفورينهاا شوي وبعدين تصبينها في الدله
"""مره حطي زعفران ومره هيل ومره مسماار وجذيه عشان ماتملينها
وصحــــــــــــه وعافيه
الغاليه يمكن من الغوري الي تسوينها فيه غيريه يمكن حد يستخدمه لغرض ثاني و حرصي انه يكون للقهوة بس ..
القهوة ناخذها من عند الجبل الاحمر و نحمصها فالبيت او المحمصه ..
انا قهوتي اخذها من المحمصه اللبنانيه في بوظبي مطحونه ويا الهيل واحطها في الغوري اللنحاسي المتوسط احط فيه ماي اكثر من النص بشويه واخليه يفور وعقب احط فنيان ونص قهوه (فنيان القهوه) واخليه على نار هاديه حوالي الربع ساعه وفي الدله اح شوية زعفران وماي ورد واجب عليها القهوه طبعا اتخلين القهوه حوالي الثلث ساعه في الدله قبل لا تشربينها… وبالهنا والشفا
المشاركة الأصلية كتبت بواسطة بتوته 
"""""""""""""""
ام بمكانج تفورينهاا شوي وبعدين تصبينها في الدله
"""مره حطي زعفران ومره هيل ومره مسماار وجذيه عشان ماتملينها
وصحــــــــــــه وعافيه
سبحان الله نفس طريقتي تقريبا
انا ما اشرب قهوة ريلي بس ويوم يزورونه ربعه
نفس طريقتييييييي بس انا
ما احط مقدار فنجان احس انها ابتطلع وايد ثقيله احط ملعقتين متوسطات
المشاركة الأصلية كتبت بواسطة كواكب عندج محمصة الصوفي
وحطي شوية زعفران وماي ورد