السلام عليكم حبايبي
الصراحة عندي مشكلة مع ولدي عمره 4 سنوات بس وايد ضعيف رغم انه ياكل زين ماشاء الله بس
عنده مشكله انه يوم ياكل عدل يعني يخلص وجبته يسير على طول الحمام (تكرمون)
بطنه مايستحمل وايد
الصراحة تعبت وياه ياريت اللي مرت فالشي نفسه ويا عيالها تخبرني
جزيتم كل خير
ما مريت بهالحالة بس حاولي تعطينه عقب الأكل عصير الجوافة عسب يمسك له بطنه شوي
أقول هل استشرتي دكتور؟
ركزي له عالمعكرونة عسب يزيد وزنه شوي و البطاطا
الله يحفظه لج يارب
اختي الدكتوره بتفيدج اكثر منا
حاولي تعرضينه على دكتور
نفس ولدي عمره سنه وسبع شهور
بس على حسب الاكل اذا اكل وايد سلطه مع الاكل على طول حمام او بعض انواع الفواكه
حبيبتي إعرضي ولدج على الدكتور ..
الأعراض تشبه أعراض جرثومة المعــدة .. مب زين حبوبة إتخلين الولد جي .. سيري عالجيه بارك الله فيج ^_^
الله يحفظه لكم ويشفيه و يعافيه يااارب ..
المشاركة الأصلية كتبت بواسطة hamoudmam 
أقول هل استشرتي دكتور؟
ركزي له عالمعكرونة عسب يزيد وزنه شوي و البطاطا
الصراحة سألت الدكتور عن وزنه قالي طبيعي وعادي لانه الولد فهالعمر يكون حركي
وبالنسبة لاكله ماشاء الله زين ويحب كل انواع الاكل
والحال وحدة مع المعكرونة ولا السلطة
اي شي ياكله على طول ينهضم بسرعة
مشكورة عالاهتمام