مرحبا خواتي ..
عندي مشكله قديمه ومازلت لليوم أعاني منها وهي :
1 – البشره الدهنيه .gif "12 (98)")
2 – الحفر الناتجه عن حك الحبوب واللعب فيها .gif "12 (67)")
3 – الحبوب البيضاء وحب الشباب اللي مازال لليوم يطلع و بكل وقاحه
تفاصيل مشكلتي :
يوم كنت صغيره كنت أعاااااني معاناه مع الحبوب و كنت أكره أشوف حبه في ويهي لذلك أبدى احكها وأبا اخوزها عشان مايضحكون عليّ البنات في المدرسه أو ربيعاتي .. طبعا هالشي لعن ابو خامس البشره ..
مع الأيام كبرنا وقمنا نتعالج في المستشفيات و مره تصيب و عشره تخيب إلين ثبتنا على علاج عباره عن حبوب و كريمات شي صبح وشي ليل ولوشنات و مشى الحال وصارت البشره حلوه ..
لكن رديييينا للسيره الجديمه يوم وقفنا العلاج ورد الويه يدمر شوي شوي .gif "12 (87)")
عاد انا مابتم على الادويه دايم مديم عنبووووه تعبنا
انزين انا الحين مب ياهل … عرسنا ويبنا عيال و عيالنا كبرو وبعدني اعاني من البشره الدهنيه و مازالت الحبوب تطلع خاصة عند منطقة الذقن .. شو السالفه عااااد .gif "12 (102)")
يقولون بتكبرن و الحبوب بتخوز … وكبرنا وبنموت ولا فرحنا بها البشره !!!
الحين الحفر يمكن سالفتها طويله و تبا شغلات وايد لكن الحبووووب هاي بالذات ملوعه جبدي …
عطوني حل !!
ساعات خاطري أبدّل يلدي بيلد يديد بس كيف 
مع إني مب مقصره من ناحية تنظيف البشرة و الأقنعه و الصابون المناسب للبشره الدهنيه بس يبقى الحال على ماهو عليه !!!
أفيدوني من تجاربكن .. و ارسمو الابتسامة على وجهي .gif "12 (3)")
الطين الاخضر المغربي وااايد اوكي للبشرة الذهنية
والله انتي نفس مشكلتي بالضضبط ..
منطقة الذقن اككككككرهههها .. لازم كل يوم تحمر وتطلع لي حبوب يديده ..
يصفى ويهي كمن يوم .. ويرجع مره ثانيه ..
واكثر شي يقهر .. لازم لازم تطلع لي حبه كبيره في ويهي في نفس اليوم اللي يكون عندنا فيه عرس او اي مناسبه مادري شو السبب .. !!!
انا اكثر منتجات فادتني هي غسول بوندس الوردي مكتوب عليه للتبييض بس حبيته لانه يقلل الدهون فالويه ..
قناع الطين مال الهيملايا وحالياً استعمله مع المقشر وغسول الويه .. حلوين ..
امم وافكر بعد اسوي لي هيدا فيشل بس للحين متردده ..
اخر نصيحه: عدلي نظامج الغذائي .. ابتعدي عن الجولكلت/ الروب/ الحليب كامل الدسم/ الدهون والزيوت/ حليب ابو قوس حبيب الشعب -.- .. وكثري من الخضروات والفواكه .. /
انا حاولت بس عن نفسي وايد اشتهي السويت خصوصن يوم ادرس .. وتعودت عالكرك .. بس الحينه بعدني احاول اقلل ان شالله
سبحان الله وبحمده
سبحان الله العظيم
في دكتوره هنديه في عياده كوزمو ليزر اللي في الشارجه
في سمنان خلف البنوك
وحده من معارفنا شلت الحفر من ويها كله عند هاي الدكتوره
راحت عندها عالجتها وما شاء الله بشرتها وايد حلوه الحين
الحال من بعضه..
بنصير عيايز وما خلص حب الشباب!
واكثر شي مضايقبي الحفر..
الله يشفيج ويشفيني منه..