الحضانه وبنتي كله تمرض ساعدوني

السلام عليكم امهات شخباركم
اتمنى تساعدوني وترشدوني بحكم ماعندي خبره الصراحه
بنتي عمرها سنتين ونص سجلتها ف حضانه سمعتها طيبه ووايد اوكيه واللي هي حضانة الابداع بين الشارجه وعيمان .. المهم من وديتها وهي كله تمرض وتمرض كل ويكند لازم حما وزجام وكحههه قسم بالله تعبتتت منهااا ومن هالبلاوي اللي اتيهااا وفوق ها كله وزنها ينقص وتغذيتها ابد مول ميحححححح مااتاكل بس تلعب بالاكل وتعفص الفواكه واي شي يعطونها اناف البيت اتلعوززز واتنرفزز كيف هم مساكين متحملين تصرفاتها ومايابها الضرب والطيب ولاالتخويف ولاا شي مول وكل شي وصخ تحطه ف حلجها وتيلف ورق الجدران والقراطيس والاستكرات كله بالاسنانها ساعدوني بليز بناتت كيف اتصرف وو بلاهم جي اسنانها ولا هاي حاله نفسيه وعن حضانه شو اسوي بسبة الامراض مع انه الحضانه نظيفهه ومرتبه وحلوه وايد

حبيبتي بالراضه على الصغيرونه

وممكن تسئلينهم في الصيدلية عنه لأنه عندهم سلسلة من هالادوية الطبيعية المخصصة للاطفال
والله يخلي لج البنوتة

وعليكم السلام ورحمة الله وبركاته

اصبري وبتتقوى مناعتها ان شاء الله

أستغفر الله العظيم الذي لا إله إلا هو الحي القيوم وأتوب إليه

يمكن ضروسها تطلع

عيالي هالفتره يمرضوا مع انهم ما يسيرون حضانه لكن اطلعهم ويحتكوا باليهال
لكن وزنها ينقص يبالج توديها المستشفى على الاقل تشوفين شو بلاها ويعطونها فاتج شهيه
اذا تاكل رمل تاكدي من نسبه الحديد لانه فقر الدم يسوي جيه
اما تعضض الغنفات او الدباديب يمكن اسنان
الحالة النفسيه تأثر لانه الياهل يبدي يفهم

مثل معاناة بنتي كل ما اوديها حضانة وتختلط مع يهال مرضى تمرض لدرجة كل اسبوع مريضة يوم يلستها بالبيت استوت افظل تعبت من كثر الادوية بس على قولة الدكتور كل ما بتكبر بتقوى مناعتها والله يعينج