الحامل في رمضان موضوع مفيد

السلام عليكم ورحمة الله وبركاته ..
مبارك عليكم الشهر الفضيل <<< قبل الزحمة

موضوع تفكر فيه كل حامل
الصيام والافطار في رمضان ..

بصراحة درست السالفة بشكل علمي .. شفت ان الصيام اذا تعاملت وياه صح ان شاء الله ما راح يتعبنا نحن شريحة الحوامل الطبيعيات

اعني اني استثني الحالات المرضية في الحمل …

الحين نحن في يومنا الطبيعي ننام معدل 10 ساعات وباقي اليوم كله اكل

طيب ليش ما نخلي اثر هالساعات تون بالنهار فننظم روحنا وننام بعد صلاة الصبح ..

هذا اول شي راح يقلل علينا الوقت في النهار

بعدها
امهات العوايل يعني اللي عندها اكثر ولد ووراها بيت وطبخ وما عندها شغالة
هذي عاد الله يعينها .. اذا ما استغلت كل ساعة قبل رمضان وفي رمضان

يعني المفروض كل وحدة من الحين تجهز العدة ..
على سبيل المثال تقطيع و تجميد بعض الاطعمة كالجزر والبازلاء وفيه ناس تسوي البصل بس انا ما جربت
عمل صلصة الطمام وتجميدها
وهكذا ..
واللي تحب تاكل اشياء مثلجة مثل السمبوسات ولفايف الخضار تقدر تجهز من الحين ..

طيب نجي لصلب الموضوع
انا ابغي اقول لكم عن هذي النقطة المهمة

تقسيم الحوامل لمجموعات

حوامل الشهر 1 &2 &3

الحامل في القسم تعاني من اللوعة والبعض ما يحب ياكل يعني هذي شهور الوحام

الحامل هنيه تراعي انها تاكل الاكل الخفيف بدون زيوت ما تمنع روحها بس تخفف

اما اذا ما فيها اعراض الوحام عادي لا تحرم روحها بس تخفف الاشياء الحارة والبهارات القوية

وتاكل كل شي باعتدال لان الياهل الحين في طور التكوين فما يحتاج لتغذية زايدة ..

هذا كل كلامي باختصار شديد لاني حبيت اوصل لكم الفكرة عن نوعية هالمرحلة من الحمل

ولا ننسى ان الحمل حالة طبيعية وليست مرضية ..

حوامل الشهر 4& 5& 6

الحين هذي تقريبا تشمل امهات فبراير ومارس ابريل .. لاني من هالقروب

تقريبا اعراض الوحام اذا ما راحت تبدا تخف في الشهر الرابع صحيح ناس يستمر معاهم بس ان شاء الله الصيام ما يتعبهم ..

اهم نقطة احب اوضحها ان الياهل الحين في طور النمو يعني كل اسبوع الياهل يكبر يعني كل يوم محتاج تغذية
فنحن نحتاج بروتين , وحديد , وكالسيوم , والفيتامينات العامة

البروتين عشان تنمو الاعضاء بشكل سليم وكلنا نعرف انه متواجد في اللحم وفي البقوليات والحبوب
ووصفات رمضان ما شاء الله غنية بهذي الاصناف يعني ركزوا عليها
الحديد يمد الدم بالقوة للام والجنين ويعتبر غذا لنمو عقل الجنين طبعا كل وحدة اكيد وصفت لها الدكتورة حبوب
للعلم الحبوب الطبيه تساعد على تثبيت كمية الحديد في الدم ولا تزيد بشكل ملحوظ

لذلك اعتمدو على الغذا بالدرجة الاولى وتلاقون الحديد في الاوراق الخضراء والخيار والبروكلي ووايد اشياء لكنه بكثرة في الاشياء السابقة الذكر

الكالسيوم + فيتامين د
وبشرح لكم ليش مع فيتامين د

الكل طبعا يعرف مصدر الكالسيوم الحيواني المتمثل في الحليب ومشتقاته
وفيه بعد الكالسيوم النباتي المتوفر بكثرة في السمسم النيء والخضار والخس والبقدونس والتين وقريت انه سهل الامتصاص اكثر من الحيواني لذلك نوعوا بين الاثنين
طبعا ضروري في هذا الشهر لان الياهل يكون عضامه حتى الاسنان بعد تتكون فلا تغفلون الكالسيوم
اما فيتامين د الموجود في البيض وبعض انواع السمك ويمكن اكتسابه عن طريق التعرض للشمس
فهذا مساعد على امتصاص الكالسيوم ويخلي الجسم يستفيد منه ..

اما باقي الفيتامينات والمعادن اقدر اقول ان الرطب كافي لان كل المعادن فيه
بس ما يمنع ان ننوع بين الخضار والفواكه

هذا باختصار شديد عن هالقسم

اما حوامل الشهر 7& 8& 9

هنيه اتمنى كل وحدة تكون مراعية تغذيتها من قبل عشان في رمضان ما تتعب
طبعا تراعي تنوع الاغذية مثل اللي بالاشهر الوسطى

لكن هنيه الماء ثم الماء ثم الماء

الياهل الحين وخصوصا في التاسع يغير الماء كل 3 ساعات وطبعا له على حساب كلية الام

لذلك لازم في الليل تراعين وقت الفطور ان وراج لتر ونصف ماء موزع على فترات طول الليل

وكذلك الوجبات

المعدة الحين محشورة فبتاكلين شوي وبتشبعين فخليها وجبات افضل من وجبتين للسحور والفطور

وتراعين تنوع الاطعمة مع التركيز على الخبز الاسمر وتقليل الابيض
تقليل الملح والماكولات الحريفة
وما ننسى التمر والرطب منجم الغذا خصوصا للشهر التاسع لتسهيل الولادة

هذا باختصار شديد ارشادات للحوامل .. واتمنى كل وحدة تدعي لي بحمل سهل وولادة طبيعية

واي وحدة حابة تسالني عن اي شي ما يردها الا لسانها

والموضوع جهد شخصي ومعلومات متفرقة من اطلاعي اللي حابه تنشره تدعي لي بالخير بس

^