السلام عليكم
بدخل في الموضوع على طول…
بنتي عمرها 7 شهور … ولين الحين الاكتئاب فيه … وهذا والطروف اللي مريت فيها ..
المهم … بنتي من النوع اللي تصيـــــــــــــــــــــــــــــــــح لدرجه قمت اصارخ عليها وتتروع مني …
واليوم وصل حدي الصراحه … قمت الطم ويهي و شوي وبمط شعري … والله لا شعوري… واتصرف بدون ما احس اني اسوي شي غلط ..
المهم .. هيه كله تصيح وتخاف مني … لما ازاعج عليها
وطبعا عشان ما أأذيها في هالوقت اعطيها البشكاره … (( لان محد عندي ابدا عشان يشلها او يساعدني فيها )) … واشوفها وياها غير .. معايه كله تصيح ابدا .. ما تسولف وتظحك …
انا بروحي والنفسيه كووووم … فرجاءا ما اريد … (( كلام يجرح او يغث ))
اريد حل عشان بنتي ما ايلس اصارخ عليها .. وتحبني وتيلس تسولف وتلعب معايه ..
مع العلم انا ما اخلي شي ما اسويلها اياه …..
وادعولي بالهدايه …. والله اني ضايعه
شسوي
help
الله يعينج
حاولي تاخذين راحه تسيري بيت اهلج وتخلي حد من اهلج كله يشلها وتبتعدي عنها اشويه
او تسافري مع ريلج برع وتخلي بنتج صح صعبه بس عشان ترتاحين انتي واهم شي النفسيه تلعب دوور
لازم تبتعدي عنها لمده اسبوعين تقريبا .عشان تراجعين عمرج وتتولهي عليها وتندمي ع كل ضربه ضربتها….لان مافي حل غير جي عسب تعدلي مزاجج حاسه بج لان هذا الجيل تعب فتعب وكل صياح
واهم لا تخلينها كل عندج خلي حد من اهلج يشلها ويلعبها ويحوطها وجي عسب الحين الياهل يبدا يفهم
ثانكس حبيبتي على الرد
كل شي سويته .وما فاد … والغريب .. اني كله افكر في اهلي واني اريد ارجع لهم .. واحس الضيقه اللي فيه من ريلي وبنتي … الضغط و التعب و التوتر اللي فيني .. كله منهم … قبل كنت غير…
حتى ربيعات يدوب ما عندي… وعلى فكره الكل لاحظ اني اعصب بسرعه وما اتحمل ..
تدرون ان الشيب ترس راسي … 
والله العظيم … امي اتعجبت مني…..
بس ليت الزمان يعود ……( ودي افضفض …. بس … خليها على الله ))
الله يساعدج
الغالية تعوذي من الشيطان هاي كلها وساوس من الشيطان عشان يخرب عليج حياتج ،، اشغلي وقتج بالدعاء والاستغفار وقراية القرآن وبتلقين الراحة النفسية بإذن الله،، ومهما يكون السبب لا تخلينه يسيطر عليج ويدمرلج حياتج ، شلي ها الافكار من مخج لانها كلها وساوس من الشيطان وهو هدفه الاول والاخير انه يخرب عليج حياتج //
ومثل ما قلت لج اشغلي وقتج باي شي واهم شي لا تنسين ذكر الله ..
والله يحفظج ويحفظلج بنوتتج وريلج،، ويفرج همج ان شاءالله
من الخطأ انج تفرغين همج وحزنج في هالطفله البريئة… هي شو ذنبها؟؟ بالعكس انتي لو شغلتي نفسج فيها يمكن تنسين همومج ؟؟؟ تدرين انج لوغمضتي عينج وحضنتيها بالقو وبحنان بتحسين براااااحه … هذي هي ونيستج في البيت وهي الي بتنفعج يوم بتكبرين في السن …
الله يهديج ويفرج همج…
الله يعييييييييييييينج والله
حتى انا شراتج ساعاااااااات
مافي حد مرتاح بس هونيها وتهون اختي
حاولي تعرفي شو السبب واتعدليييييينه
وعادي مافيها شي تعطي بنتج للشغالة شوي
انا جي اسوي مب غلط
الله يهونهاااا عليييييييييييج ويحفظلج بنتج ويهديها ….