السلام عليكم ورحمة الله
خواتي أنا كنت حامل في الشهر الثالت وأمس نزل علي شوي دم فاتح وياني ألم في ظهري وبطني وقلت بسير الدكتوره أتطمن
والحمدلله على كل حال من شافت الجنين قالت هذا بدو ينزل (يعني بيطيح) الصراحه انصدمت وعيني دمعت ما عرفت ومافهمت وتميت مصدومه !! الحمدلله حملت وولدت مرتين وبدون مشاكل بس الحمدلله على كل حال االله بيعطي والله بياخذ والخير في ما اختاره الله …
حملي هذا كان بالغلط وماكنت ناويه أحمل لأنه ولدي اصغير بس سبحان الله خلاص شلته في بطني 3 شهور ووحام وتعب الصراحه اتعودت عليه واستوا قطعه مني بس الله راد انه هالشي ايصير ولا اعتراض الحمدلله
بس الذكتوره قالتلي خليه اروحه بيطيح وعندج اسبوع اذا ما طاح تعالي بحطلج تحميله وأنا خااايفه احساس غريب اني شاله شي ميت في بطني ما رقدت والله من الخوف ..أخاف يضربني نزيف مع العلم انه حاليا الدم ينزل علي بس شوي شوي وفيني عوار في بطني وظهري
السؤال الحين للي مرت بنفس حالتي:
هل لازم أسوي تنظيف واللا البيبي روحه بينزل وبنظف؟
والمشكله الثانيه:
للحين أنا سامعه عن 4 حالات موت جنين في البطن وفي أسبوع فقط ووحده بعد نفسي اتقول سايره موعدها وقالولها البيبي ميت والصراحه الحرمه اتخبرني انه الذكتوره قالت لها ظاهره موت الجنين في البطن استوت واااااااااااااااااااااايد منتشره وأنا ما أتكلم عن البنات اللي ما يابوا اعيال من قبل لأنه يمكن عندهم مشكله في الرحم ..أنا أتكلم عن الحريم اللي يابوا 2 و 3 وعقب في حمل آخر استوا هالشي واتقول انه احتمال من شي ناكله او من الجو والله يحفظنا ويحفظ جميع المسلمين من هالكوارث
والسموحه علإطاله
الله يعوضج ان شاء الله مدري والله الله يكمل حمل كل حامل
انا استوالي جيه بس في شهر ونص واتعذبت نفس الحاله ولعوزوني مستشفى زليخه فالشارجه
لرحت للوصل ثاني يوم وطاح بروحه وبعدين هم سوولي تنظيف
وحرمة اخوي من فترة جريبه بعد مات في بطنها من الشهر الرابع وقالولها بيطيح بروحه
وفعلا طاح بروحه بعد اسبوعين من قالولها انه ميت … الله كريم اختي
الله يعوضج خير يااااارب ،،
ويااارب ينزل الجنين ويتنظف الرحم بسهولة ويسر ،،
الله يعوض عليج بالخير
والله يعافي كل مسلمه يارب
والله يعافي كل مسلمه يارب
حبيبتي قدر الله وماشاء فعل ونصيحه مني لاتخلينهم يحطون لج تحميله والله اني تلعوزت
على الفاضي واخرتها سولي تنظيف اظمن مايتم شي فبطنج الله يعوضج يارب