بإختصار شديد امس اكتشتف شئ فظيع كرهني لريلي! السالفة ومافيها انا طول الأسبوع ابيت بغرفة زوجي القديمة لأني اداوم ادرس وماانام بروحي بالبيت اخاف,المهم امس ضاع عني البنادول وكنت ادوره وانا ادوره حصلت بطاقة تهنئة بس مالت عقارات بدبي…المصيبة وحده كاتبه حبيبي…اسم ريلي وكاتبة تحت كل سنة وانته طيب وlove you وكاتبة اسمها اللوث! وانا فاجه حلجي منصدمة قلت لا مستحييل ريلي جذيه! سبحان الله بنفس اليوم هو يقولي قبل ماعندي سوالف هالبنات والخرابيط لأني كنت ادرس والله كشف جذبه! والمشكله ياريته اعترف بماضيه اشكره البطاقة واضحه يحلف حلف الموت بنات اصدجه ولا؟! يقول مااعرفها والبطاقة يمكن مدبرة قلت له كيف مدبرة فيها علامة دبوس مفجوج عنه من فترة طويلة…يعني حد متعبث بها وانته تجذب؟! يعني لو عنده هالسوالف قبل ونساها مثلاً ليش ماعق البطاقة ليش مخشوشة؟! يقول وين الثقة بنات من امس لين يومكم هذا وانا اصيح جدام البنات حتى بالكلاس من كثر ماانا نفسيتي تعبانة! المشكلة تونا معرسين ماكملنا 5 شهور شوالحل؟! شوبتسوون لو انتوا مكاني؟!
الله يعينج اختي
حاولي تتفاهمين مع عدل ، واجهي قولي انت كيف جي خذيتني بس عشان تجرحني ، قولي بنات الناس مب لعبه عشان تلعب قولي تونا معرسين ما كملنا 5 شهور تسوي فيني جي
لا تحاسبينه على الماضي مب من حقج
ولاتسوين مشاكل توكم في بداية العرس لا تكرهينه في الزواج
مشكورات عالردود…اختي عاشقة انا ماعرف اذا هذا من الماضي ولا واذا من الماضي ليش مااعترف ليش تم يجذب اذا تم جذيه بيجذب بعدين مابصدجه شوالراي؟!
عطيه فرصه هالمرة وسامحيه واذا كررها شوقي تصرف ثاني
حبيبتى والله ..
طولي بالج وصلى على النبى ,,,
معظم الشباب تكون الهم علاقات او معجبات قبل الزواج
وبما انه هو اختارك انتى واتزوجك .. يعنى هو يحبك وانتى الانسانه اللى يريد يكمل حياته معاها
فليش النكد .. والريال مش لازم يصارحك بعلاقاته اللى كانت قبل الزواج
ويمكن ما يريد يصارح بعلاقه قديمة علشان ما تزعلين وهذا معناه انه مراعى شعورك ..
وسواء كان صادق او كاذب .. فهو في النهايه زوجك
وانتى ما حصلتى شي عليه .. الا بطاقه قديمة .. والله العالم وين مصدرها
وخليج عاقله وكبرى مخك
ودائما في علاقتك بزوجك او بالاخرين .. استبقى حسن النية ,,, على سوء النية
علشان ما تتعبين ولا تعبين اللى حوالينك .. والله ما يجيب الزعل بينكم
آلمفروض مآتحآسبينه على شي آنتهى وكآن وقتهآ هو عزآبي !!
آنتي عليج من يوم مآخذج بس !
آلله يعينج وآحسج مكبره آلموضوع !