التهاب مع الحمل

السلام عليكم والرحمة ..

سيري عياده خاصه وخليها تعالجج احسن
وشوفي احتمال ريلج الي يرد لج الالتهاب
ﻻزم يتعالج علشان يروح عنج الالتهاب انا الدكتوره عطتني لي ولريلي
واحسن تتعالجين منه وهو يتعالج بعد ﻻن الالتهاب يسوي فتح لعنق الرحم ويمكن يوصل للجنين

ايوه صح كلام الأخت
شوفي اختي انا يتني حكه مع حرقان مت ما احب شي إيني
الصراحه قمت ايب غرشه ماي واحط فيها ملح بعد كل ما اروح الحمام واتغسل وارجع أتغسل بالماي والملح ولا انشف اتريا عليه صح شوي يحرق بس بسرعه مفعوله تميت ٣ ايام كل يوم مره او مرتين الحمد الله احس اني احسن

ساعات يكون ريلج حامل الالتهاب متعادي منج فهمتي لازم هوه بعد يروح مافيها شي لو قلتيله يوم ارقد معاك إيني التهاب

هذا مب إلتهاب أعتقد طبيعي …. أنا لما أحمل في ولد تستوي عندي هاي المشكله نفسج بالضبط… ريحه تصرع في أول شهور الحمل… وأحس اللي يالس قريب مني يشمها فيني…. وخبرت الدكتورة وخذت مني عينه وما طلع فيني إلتهاب….. اعتقد بسبب تغير الهرمونات في الجسم لأن هرمونات الولد تختلف عن هرموناتنا الانثوية هذا تفسيري أنا بروحي ههههه …. انا أحينه في نهاية السادس خفت الريحه وااايد واستخدم غسول نسائي عشان أخفف من المشكله وأحاول ألبس فوط نسائية يوميه…. بس صدق لوعة جبد انا في حملي في البنات ما صارت عندي هاي المشكله…… الله يعينج….

انا عندي نفس المشكله وكل مره يقولولي شي مره التهاب ومره بكتيريا
عطوني مضاد حيوي وتحميله وما نفعوني

اتوقع ان هالشي عقب الحمل يروح .. بس بصراحه اخاف ارد اخذ مضاد حيوي الحين بعد الولاده عادي اذا ما راح برد اراجع ..
اما الحين برضى بالامر الواقع لين الولاده ان شاءالله ..

المفروض الدكتورة تعطيكم حبوب انتو الاثنين
انا صارلي التهاب وفطريات وقت الحمال
وعطنتي تحاميل ومرهم
وعطت ريلي حبوب عسب ماينعدى مني ويرجع يعاديني بالالتهابات

عادي بس يمكن من ريلج فاتعالجو مع بعض أحسن وانا حامل واستخدم بتداين غسول ممتاز الصيدلي قالي عادي فالحمل يخوز من اول مره