السلام عليكم ورحمة الله وبركاته
بنات ابا اتخبركن
انا اليوم ركبت التقويم لـ أول مرة في حياتي
و فالعيادة عطوني بوكس فيه اغراض تنظيف حق الاسنان
وماعرفت لها مول غير الفرشاة
كان في فرشاة ..و عصا ثانية وياها راسين مثل الدبابيس بس فيهم شعر مثل شعر الفرشاة
وفي واكس .. و علبة ثانية دائرية صغييييرة طالع منها مثل الخيط .. و حبتين لونهم وردي
الحين ها كله حق شو ؟ .. شو اسويبه ؟
و كيف انظف التقويم و اسناني ؟
احس اني متوهقة 
شوفي الحبتين الحمر هاذل بعد ما تغسلين اسنانج افركي فيهم الحبة الحمرة وعقب تمضمضي والمكان اللي اللون الاحمر فيه ما يخوز معناته هالمكان ما غسلتيه عدل (هذا مب ضروري يعني حاطينة للدعاية)
العصا اللي فيها مثل شعر الفرشاة ها مهم لأن تفرشين فيه بين الاسلاك والاماكن اللي صعب يدخل فيها الفرشاة العادية
الدائرة اللي فيها خيط ها خيط حق تنظيف بين الاسنان واطلعين الاكل من بين الاسنان
الواكس ها تحطينة على الحدايد وين تحسين يقطع اللسان والشفايف سويه مثل دائرة صغيرة وحطيها على الحديدة اللي تخدش لسانج او شفايفج
مشكوووورة واايد يا لمعة
الله يجزيج الجنة
ويسهل لج امورج و يوفقج وينصرج على من عاداج
آمييين يارب
العفو الغالية مشكورة على الدعاء لي ^_^