بسم الله الرحمن الرحيم
الاخوات العزيزات منو منكم جربت التقشر بالكرستال وكم المده الي تبان فيها النتيجة
الله يخليكم الي تعرف لا تبخل علينا .
وانا بعد اعرف
اللي اعرفه انه يشيل الطبقه الميته من الجلد بس مره بشهر يفضل انج تسوينه بعيادة عند دكتور مختص النتيجه تبان من اول استخدام
انا ماجربت بس شفت مره بتلفزيون دكتورة تتكلم عن هالتقشير وقلت افيدج
للرفع
مشكورين
يا حلوات على الرد
معلوماتي عنه مثل ما أفادت وحدة من الأخوات ، أنه يشل الطبقة الميتة من البشرة
بس إللي ما أعرفه ، كم يوم يتم الويه متقشر؟ يعني كم يوم يباله علشان يكون الويه أوكييييييييييييييييييييييي ؟
والله يحفض
كم ويحفض أحبائكم إنشاء الله . وآسفة على التأخير في الرد.
حبيبتي….انا جربت ها التقشير في مركز كوزمسرج في الشارجة
سويت 6 جلسات كل اسبوع جلسة …وكل جلسة ب 400 بصراحة بعد 6 جلسات كان ويهي نظيف ومنور..
التقشير الكريستال بعد كل عشرة ايام كنت اسوية عند صالون سبا بباريس غاليري …بالنسبة لكم جلسة ممكن بين 6الى 10 …..بس اول جلسة سويتها كانت تنظيف بشرة وبعدها الكريستال ….النتيجة الكل لاحظ حتى صديقاتي في الشغل
بشرتي حلوة وفيها نضارة..طبعا انا اخذت من عندهم كريمات للبشرة من نفس الماركة اللي يستعملونها للكريستال
لان هم يسوون كريستال وبعدها او قبلها يحطون لي كريمات وماسك واخر شيئ يحطون لي مرطب او واقي للشمس اذا في النهار….والماركة هي دكليور موجودة بباريس غاليري ……ان شاءالله اكون وضحت