التبول الاارادي

السلام عليكم ورحمة الله وبركاته
حبيت اعرض لكم مشكله ولدي وهيه التبول الليلي اللاارادي ولدي عمره 7 سنوات وهو يعاني من هالمشكله من زمان سويتله اشعه وتحاليل وطلعت كلها تمام وعطوني حبوب بس ما حبيت استمر عليها جربت امنع عنه السوائل من بعد المغرب جربت اعطيه عسل قبل النوم بس بعد ماشي فايده وهالشي مسبب لولدي احراج بين اخوانه وبين الاهل اذا حد بات عندنا
اذا حد مر بمثل هالتجربة ياريت ايفيدنا شو الطرق اللي استخدمتوها عسب اتواجهون هالمشكله:1 (58):

اختي اذكر الدكتور كان يقول من الساعه 6 المغرب خلاص لاتشربون سوائل عشان مايصير
التبول اللاارادي

qanaty وام ماريه مشكورات عالمرور
عندي طريقة سمع عنها زوجي في الرادو وهي تمرين ايقوي عضلات المثانه وهو انه اتخبرين الطفل انه لما ايبول وانتو كرامه ما ايفرغ مثانته مره وحدة لأ ايفرغها على دفعات يعني ايبول ويوقف وايبولويوقف خمس مرات وبهالشكل تتقوى عضلات المثانه

وعيه فليل وديه الحمام كم مره

كل الصغار يبولون مع التعود بتروح هذي العاده

لازم ما يشرب ماي قبل ما يرقد واذا شرب خليله يروح الحمام وانتي بكرامة

انا ولدي نفس الشي عمره 7 سنوات وسويت التعليمات اللي قالي عليها الدكتور ما اشربه سوائل واقعده في الليل واعطيه هدايا اذا تم اسبوع وما سواها ……. بس الصراحة تعبت خصوصا سالفة الليل وعقبها قمت البسه بامبرز ………… والحين والحمد لله قام يوعى بروحه واحيانا يسويها يوم يبرد فقمت اغطيه عدل واخليه بعيد عن المكيف ……….. وبخصوص اخوانه انا عودت عيالي انه هذا مرض ولازم ما يعايبون على اخوهم وهو نفس الشي تقبل الامر وما قام يستحي من اخوانه …………