انا حامل أحين في السابع ،، و من آخر الخامس كان البيبي نشيط و وايد ايرفس
و حركته مشالله طول اليوم ،، حتى رقاد ما ارقد ،، و انا مستانسة
و طبعا ما اقول حق حد انه يتحرك وااايد ،، يسألوني يتحرك أقول هيه الحمدالله
مشكلتي اني من أدخل المستشفى حق الفحوصات و التحاليل يستوي لي هبوط من الزياغ و الخوف
و من اسبوع ،، سرت مستشفى حكومي حق التصوير ،، يلست ساعة أتريا
ياني هبوط ،، اتجاهلت الموضوع ،، دخلت ،، و كان يتحرك وااايد حتى ما قدرت اتصوره عشان تآخذ القياسات ،، و لني تعبت عطتني ماي و ريحت اشوي و يابو لي جهاز الضغط ،، و كان زين
هدى البيبي و خذت قياساته بالتثصوير العادي،، و بعدها صورته 3دي ،، اللي بالبني و الابيض ،،
و خلال التصوير تعبت ،، أحس بحرارة و ضغطي عادي و راسي يدور و أبا
أراجع ،، وقفت التصوير ،سألتها: يأثر هالتصوير على البيبي قالت : لا ،،، ارتحت ،، ريحت اشوي و زقرتها لني تعبت ابا
اطلع و طالبة سي دي بالصور ،، فقلت لها خلصي بسرعة ،،،
ردت التصوير و بعد حسيت بتعب بس أخف عن قبل و خلصت و سيدة طلعت
و ارتحت و لا جنه فيني شي ،،،
بس من يومها البيبي حركاته هاديه ،، من 4 لين 6 مرات يتحرك في اليوم
و عادي ايكمل يوم ما يتحرك ،،، والله خايفة ،،
مع انها قالت لي طبيعي ما فيه شي و حجمه زين ،،
فـــ يا اهل الخبرة ،،، هل يأثر هالتصوير؟؟؟
مرحبا ختيه التصوير بالالتراساوند ما ياثر عاليهال عادي بس اوقات الياهل يتحرك وايد
واوقات لا لا تخافين وان شاء الله مافيه شر واسمحيلي
شي غريب اسألي الدكتوره
حبيبتي لاتخافين لان اللحين البيبي كبر فتحسين لازم يرقد وايد يعني لازم يكون تغير لاتخافين انا مرت اخوي لما كانت حامل اتقول عادي يومين ما يتحرك البيبي لاتخافين بس اذا تبينه يتحرك اكلي بصل بتشوفين كيف بيتحرك جربي لاتخافين وشلي من راسج الوسواس بالتوفيق
لا تخافين إن شاء الله ما شي يخوف
أعتقد لأن اليهال كبر وضاق عليه المكان فما يقدر يتحرك واايد مثل أول يوم كان المكان أوسع
لا تخافين
والوحده تخاف إذا صار اليهال ما يتحرك
وما دام أنت تحسينه يتحرك ولو شويه الحمد لله كل شي تمام
ما يأثر الغالية وانشالله تطمنين عليه .. بس اظني مثل ما قالوا الخوات حجمه شوي كبر وضايق عنده المكان 
انا كنت مثلج والحمدالله ربيت بنوته حلوه وكسوووله مثل ماكانت في بطني