السلام عليكم خواتي البارحه كنت سايره الحديقه مع ريلي وولدي فديتهم الله يحفظهم , ونحن عند الالعلب يالسين انلعب ولدي مروا شلة بنات وكلهم حاطين غتر على رقبهم لابسين هاذيج العباه الساده ومتحجبات وغتر وين نحن؟ شوفوا لاي درجه من الانحطاط وصلنا غتر ملونه حمر وخضر وصفر والله انها تعور العيون وين اهلهم؟ اقصد وين الرياييل عنهم؟ غتر عاد؟ليش تخبلوا مره وحده؟ عنبوهم يركضون ورا الشين ويقولون هذي الموضه والله انه راسي يعورني وقلبي متقطع عالبنات والله اعمارهم ماتتعده24يعني من عمري انا يعني كبار ويفهمون والاكبر عن جذي يوم الام تسويها وساحبه عيالها وياها حرااام بس عليكم وانتوا تشبهون فالرياييل.
البنت او الحرمه مافي احلى منها يوم تكون حاشمه عمرها من هالاشياء
شو اسوي من البارحه وانا افكر فهالبنات والسموحه
والله ياختي صح كلامج انا بس اابى اعرف اهلهم وين او اخواااااانهم ويييين
هم يتحروونها موضه بس مايفكرون انها ملفته وانهم متشبهين بالرجال الله يهديييييييهم بس
انا بصراحه اكرههالفئه من البنات وماحب اشوفهم
ياختي شكثر بنرمس بس من اللي يسمع
هلا فديتج ..
مع احترامي لرايج بالنسبه لموضه الغتر ..
انا عندي راي ثاني ..
اول شي انا ما اشوفه تشبه بالرياييل لاني ما حطيته ع راسي سويته مثل الوشاح و الالوان بنوتيه و هاي هي الموضه يعني ما فيها شي ..
دام البنات محترمات و ماشين ع الموضه مافيها شي ..
اما لو كانوا مايعات " سوري ع هالكلمه" و ماشين ع الموضه هني فيها بلاوي ..
أونه هالغتر موضه وأونهم متضامنين مع غزه..
واللي يقهر كنت في مسقط وشفت مجموعة من البنات لابسين هالغتر ويشربون كوفي من ستار بوكس
والله كنت بقولهم ليش لابسين غتر غزه وتدفعون لليهود!!!!!!!!!!!!!!!!!!
صج ما عندكن سالفه
كيفهن
كلن ذنبه ع جنبه
المشاركة الأصلية كتبت بواسطة دقائق 
واللي يقهر كنت في مسقط وشفت مجموعة من البنات لابسين هالغتر ويشربون كوفي من ستار بوكس
والله كنت بقولهم ليش لابسين غتر غزه وتدفعون لليهود!!!!!!!!!!!!!!!!!!
فديتج هالغتر ما يخصه ف غزه !!!
انا من سنتين كنت ف لندن و شفت موضه هالغتر يعني اجانب يلبسونها وما يخصهم لا ف غزه ولا غير غزه ..
و انا من هناك خذت لي ..
خخخخخخخخخخخخخ
انا صح ما البسها بس اشوفها عادي هيه مب غتره غتره الوانها الوان بنات يعني عادي مافيها شي وكل وحده حره بنفسها وعارفه شو تسوي الله يستر على الجميع