البنااااااات الي يحبون الخياطه تعااالو

والله بنات انا احب الخياطه وايد مع اني ما اعرف اخيط غرزتين ورا بعض

بس تدرون من متى ابا اتعلم خياطه ؟؟؟

كملت خمس سنين الحين احلم بدوة خياطه … او اني عالاقل اسوي قطعه من شغلي

كنت دووم ادور عدورات خياطه و الله مايكتب الظروف ماساعدتني

وقررت اني ابدا بروحي فالبيت واتعلم من النت والكتب

فبلييز البنات الشاطرات فالخياطه ساعدووووني فاول خطوة لي

اول شي خبروني شو الادوات الي احتاجها … ومن وين اشتريها

انا اقدر اروح عيمان والشارجه ودبي عشان اشتري مب مشكله

وووووو بعد خبروني على مكان يبيع كتب تعليم الخياطه بالعربي .. لانه اوضح واسهل

اترياااكم ^.^

المهم

احب اقولج الكتب العربيه قليله جدا جدا … ونادره … وبعد شي مش متطوره الاساليب فيها : كصور وشرح

الخ

المهم

الكتب الانجليزيه واااااايد حلوه وكل خطوه بالصور… وبس اللي عليج انج تتعرفين على كلمات الخياطه المهمه بس

مكينه خياطه ذات جوده .. ومن براند معروف لضمان الشغل و الصيانه

مقص للأقمشه .. والافضل تشترينه من محلات الخياطه والافضل يكون من نفس نوعيه مقصات الخياييط الثقال
و انا عن نفسي شارتنه بحدود ال60 درهم مقاس 8 مثل الصوره

مقص للورق عشان الباترون
عادي من اي مكان تشترينه المهم ( لا تستخدمينه للقماش ولا اخترب … حتى مال القماش ابدا لاتقصيبه
شي غير القماش ولا قوليله باي باي )

ورق شفاف للخرايط ..وايي كبير .. وهوه للباترون .. وممكن جرايد اذا ماعندج مشكله
وبعد رول
و طبشور
متر
مثل الصوره اللي فوق
خيوط ممتازه وسعرها عموما للحبه نص درهم … ^^

ورق كربون ( عشان تشفين الشغل للجهه الثانيه)

دبابيس

مسطره عاديه ( كبيره )
مسطره مدوره .. يعني تييج في احد الاطراف مايله وهاي للتنانير مقاس واحد .. وهي ما تنباع الا عند محلات عارف في مدينه زايد

ابر للخياطه في حال الشغل اليدوي ..
الادوات التكميليه مثل: ازرار و كرستال الخ

وآخر شي احب اقول في باترونات جاهزه مثل
المجلات : بوردا .. vog والخ
الباترونات العاديه : مثل سمبليستي… والخ
الباترونات المرفقه مع الكتب التعليميه … مثل كتاب i sew

انا ان شاء الله ناويه اسير كرافت لاند الي فدبي اشتري الاشياء الي اباها لاني سمعت ان كل شي عندهم