السلام عليكم ورحمة الله وبركاته
بنات لو سمحتوا اريد طريقة البلاليط الابيض سمعت انه ما يريد طبخ زيادة
شكرا
بعد ما يغلي الماي حط البلاليط.. وخله لين يستوي مب عاد تخليه لين يذوب
وعقب اشخليه.. ويوم بتحسي انه الماي راح تقريبا
حط عليه الشكر طبعا على حسب الرغبه
وخله شوي لين ينصب الماي اللي فيه وعقب
سير للجوله مره ثانيه
وحط في الجدر شويه زيت>> مب تغرق الجدر شوي بس هههه
وصب عليه البلاليط وغط الجدر خله ينشف شوي وعقب خلاص كلها
وبالهناء والشفاء
منقوووووووله
هلا الغالية،،، فوري البلاليط لمدة دقيقة لأنه بسرعة يلين ، واشخليه وخليه ايلين ما يصفى الماي اللي فيه عدل وعقب رشي عليه الشكر والهال والزعفران واخلطيهم مع بعض وخليه بعد في المشخلة ايلين ما ينشف الماي اللي فيه، وخلال هالوقت سخني شوية دهن عربي في الجدر واخلطي بيض وملح وفلفل أسود، وقليهم في السمن وحاولي وانتي تقلينهم انج تقطعينهم صغار ويوم بتحسين انه استوى، ضيفي البلاليط عليهم وقصري على الضو، وخليه ايلين ما يتسكر……. وهني وعافية
ماقصرن البنات
نفس الطريقة السابقة … وهني وعافية
يزاكن الله خير خواتي
كل لي ايعفني يسميني شيف لكن هالبلاليط ما اعرفه اسويه وانا اموت ف البلاليط..طريقة البنات سهله وحلوه بنجربها مشكوره ختيه
ميروووه