السلام عليكم ورحمة الله وبركاته
هذي اول مره اكتب بهالقسم وحابة اخذ رايكم وتجاربكم وخبراتكم بهالموضوع
ولدي البكر ان شاء الله بيدخل الكي جي السنة الجديدة – وفكرت ودورت على مدارس وايد ولقيت الانسب لي مدرسة الامارات الوطنية فرع مدينة محمد بن زايد
فحابة اسال عن اللي دخلت عيالها من بنات و اولاد بهالمدرسة ودرسوا فيها الكي جي
رايكم بالمدرسة بشكل عام الادارة …. من المدرسات وكيف كفائتهم وتععاملهم مع الاطفال وشو يدرسون اليهال
كيف التسجيل ، سوو امتحان معين للقبول ؟
وعقب يوم تبدا الدراسة كيف تقييمكم للتدريس والنتيجه وتفاعل الطفل معاهم
في مدرسة معينه درست عيالكم وترشحون احط ولدي عنها
اتمنى اشوف تفاعلكم وخبرتكم بالموضوع
لا خلا ولا عدم
لرفع
معقولة ولا وحدة هني حطت عيالها في مدرسة الامارات الوطنية او حتى اخوانها …؟
يزاكم الله خير
حبيبتي انا ما اعرف عنها بالتفاصيل اللي تبغينها
بس اللي اعرفه ان عيال عمي فيها
والحينه سوسو فيها كي جي تو ,,, وترمس ماشاء الله انجليزي وتفهم يوم حد يرمسها وتاخذ وتعطي بعد
يعني حسيت ان هالمدرسه توووووب الصراحه
ولد خالي كان فيها وعقب نقلوه مدرسه ثانيه ،، والمدرسه اليديده ما تبا تنجحه تباه فمستوى أقل لأنه ما استفاد من الامارات ،، هذا اللي أعرفه ويمكن الباقين استفادو ماعرف ،، بس هذا اللي أعرفه
والسموحه