سلام عليكم بنات وكل عام وانتم بخير
طبعا الحمل مكتوب بيد رب العالمين بس بغيت أسألكم كيف استعديتوا صحيا للحمل الثاني أنا بإذن الله مقررة الحمل الشهر الياي بعد الدورة وليكون الحمل الثاني طبعا الحمل الأولي الحمد الله طبيعي علا طول بعد الزواج بشهر بس الحين بنتي عمرها سنه ونص فأريد جسمي وطريقة تغذيتي احسن أنا حاولت انقص وزني ونقص تقريبا 7 كيلوواروح الجيم بعد احيانا واحيانا أخذ فيتامينات بس مو ملتزمة علا العلم بنتي للحين معتمدة علا صدري فشو الاشيا اللي لازم اسويها خلال هالفترة من تغذية او أعشاب وأحسن فيتامينات وبالنسبة للفطام وهل الرياضه لازم اوقفها ولا عادي مشكورات حبيباتي ياليت تفيدوني
روحي لطبيبه خل تعطيج اللازم .. بتعطيج فيتامينات تقويج للحمل و هالشي بيساعدج وايد..
ومن غير الاستعداد النفسي اهم شي ..
ربي يسر لج
مشكورة أختي وين الباجين
ويييينكم
لااااازم تحافظين على عمرج
جسمج بينهار وبتشوفين عقب ثمار هالتعب والحمل اللي ورا بعص والرضاعه وخاصة انج ما ارتحتي
اهتمي بتغذيتج عدللللل
الفيتامينات اهتمي فيها
لا تهملين
سيري عند طبيبة نسائية
استشيريها وسوي فحص دم وشوفي الفيتامينات اللي ناقصتنج شرات فيتامين د والكالسيوم
وعليج بالفوليك اسيد
خذيه من اليوم
والمفروض قبل 3 شهور من الحمل
وانا رايي تحاولين تفطمين بنتج شوي شوي
عسب نفسيتها
وعسب ما تلعوزج وانتي بفترة وحام
وشي حلو انج تنقصين وزنج
انا دوم قبل لاحمل لازم اكون بوزن يناسب اني احمل
اولا صحيا وثانيا عسب يوم ازيد ما اكون زدت وايد
نصيحتي و اسمعيها عدل
خذي فوليك اسيد قبل ما تحملين ب 3 شهور و امنعي الحمل خلال ها الفترة لين ثالث شهر لو الله كتب لج
و خذي لج فيتامين من الصيدلية وياه
أهم شيء الفوليك أسيد قبل الحمل بثلاثة أشهر على الأقل .. والله يكتب لج اللي فيه الخير