مرحبا خواتي
الامتحانات على الأبواب ولازم نسوي حركات حق الطالبات والطلاب من عبارات وصور
فاللي عدها أفكار تساعدني يزاها الله ألف خير مقدما
30 قراءة ومحد رد عليه لييييييييييييييييييش
حطي صور فيها أدعية المذاكرة والنجاح
اللهم لا سهل إلا ما جعلته سهلا وأنت تجعل الحزن والصعب إا شئت سهلا
مشكورات خواتي انا ابغي افكار يديده
أنا بقولكم شو سويت ..
1- طبعت الجداول وحطيت عبارات ونصايح عن المذاكرة لو كنت أعرف أرفق الصورة كنت برفقها .
2- عدي مجلة خالد فيها قصص ونصايح ع المذاكرة كبرتها على مقاس A3 وبعلقها .
3- بسوي الصبح مسابقات حق الأولاد طبعً قبل الامتحان فيها تسالي مثل البازل والمتاهة وأشياء ترفيهية عشا تنشط عقلهم قبل الامتحان .
4- خذت عصاير لاكنور وطبعت ورقة على نفس المقاس ولصقتها على العصير وفيها عبارات مثل .. أنا شاطر .. أنا متفائل .. أنا ناجح ….. إلخ وصورة ولد يحل الامتحان .
5- على أدراج الطلاب حطيت تصميم بسيط بدل الطابع .. بحاول أوصل الفكرة .. يبت ورق مقوى ممكن ادخلينه في الطابعة .. بحيث إنه الورقة تكفي لطالبين .. يكون اتجاه الورقة بالعرض .. وتسوين 3 مربعات بجانب بعض واحد أكتب عليه إسم الطالب والثاي دعاء الامتحان والثالث فاضي .. وأرسم بجانب المربع الأخير سواء من اليمين أو اليسار مستطيل طوله نفس طول المربع وهرضه 1 سم
بعدين أثني الورقة عند أطراف المربعات وياليت لوتتركين 1 مم بين كل مربع الثاني عشان الثنيه بحيث نكون مثلث ثلاثي الأبعاد أو هرم تقريبا مش 100% ويكون المربع الفاضي في الأسفل ومن هذي الجهة لصق الشكل على الدرج .. ويكون المثلث مفتوح من الجهتين الثانيات وكل يوم قبل الامتحان أحط بسكوته صغيره أو حلاوة .. ولما ألصق الشكل على الدرج .. أخلي الدعاء على مقابل الطالب والاسم في الاتجاه الثاني بحيث تقرأ المعلمة الاسم عشان تتأكد إذا الطالب كتب اسمه صح أو لا ..
أتمنى اتكونون فهمتوا عليه
^_^ ^_^