السلام عليكم ورحمة الله وبركاته
مادري اذا في بنات يعرفونها ولا لا
المهم هي مبخرة اطلع بخار بارد تحطين فالماي زيت معطر وتطلع ريحة
واتم فترة طويلة افضل من الفحم والدخون والحشرة واااااااااااااااايد حلوه عجبتني
شفتها عند وحده بس قالتلي يايبيلها من تايلند واذا في وحده مسافرة تقدر اتيبلي هالمبخرة بحطلكم صورتها اذا حصلت
دورت عليها فالاسواق ما حصلت
واللي تعرفها او عندها تقدر تخبرني من وين شارتنها ؟؟
وممكن تعطيني اسمها؟؟
اختي اذا هي اصغيره وما فيها ديزاين وتحتها شمعه بتشوفينها عند بادي شوب وفي كذه محل يبيعها
انا عندي .. مثل مبخره ممم اهيه مثل شكل … من الرخام او الزجاج
تحطين الزيت المعطر فوق .. وداخل شمعه صغيره … والزيت يتبخر..
وطلع ريحه تجنن … طبعا الزيت في كل مكان ينباع .. في هوم سنتر .. هوم أر أس … بتشوفين قواطي زجاج صغار براوائح تجنن صوب الشموع ..
أما المبخره .. في منها أشكال وايده .. مثلا داخل هيبرماركت .. تحطلينهن بسعر رخيص على شكل دلو
أما من محل chen one للاثاث أشكال مختلفه ..
اذا تبيني أوفره لج … عادي أقدر .. وانا اقريبا كل يوم استخدمها …
لا المبخرة اللي تقصدونها عندي ماخذه اشكال وانواع من بودي شوب وعندي الزيوت والشموع
بس انا اقصد جهاز مبخرة يتركب فالكهرباء تصببين ماي تقريباً 4 اكواب ماي وزيت معطر قطرتين فيه يطلع بخار بارد ابيض
ينحط في زاوية فالغرفة ويطلع منه بخار
مثل جهاز بخار الويه فيشل بس هذا خاص للعطور والبخار ماله بارد
اظن شايفة منه اختي في سوق التنين في دبي…
سوق التنين ماقدر عليه متعب وانا حامل ما اقدر امشي
بس وين شايفتنه بأي قسم؟؟؟
والله الغالية ما اذكر لاني اول مرة اروح واظن شفته جان هو اللي تقصدينه…