السلام عليكم خواتي العزيزات..بصراحه ترددت وايد أكتب هالموضوع ولا ما أكتب..بصراحه والحمدلله أنا إنسانه عاقله وعندي يقين برب العالمين ..وكل شي يصير للإنسان قدر ومكتوب..
قصتي بدت قبل عشر سنوات تقريبا ,خطبتني جارتنا حق ولدها وكان الريال بصراحه مافي عيب ,إلا إني كنت توني مخلصه جامعه وعندي طموح إني أشتغل وماكانت فكرة الزواج فبالي بصراحه كنت مب واعيه يعني تفكير غير ناضج ,المهم كلمت جارتنا أمي وأبوي بس سبحان الله ما صار نصيب لانه أبوي قال هي تبغي تشتغل ..وهذا الغلط اللي إستوى طبعا أنا مب مهتمه عادي مستانسه بالشهاده ..ورد أبي كان مب واضح قال لها إذا الله كاتب له نصيب بياخذها !! المهم الريال على طول ملج وتزوج وجارتنا وايد تضايقت منا وتمت حتى عقب زواجه ولين يومنا هاذا إذا حصلت فرصه ,تفتح الموضوع وتعاتب..ومره من المرات كلمتني قالت ليش ما قلتي حق أهلج وعارضتيهم قلتلها أنا بنت أستحي أتكلم قالت ما فيها شي وكانت معصبه وايد وقالت الله لا يسامحني دنيا واخره دعت على نفسها .أنا قلت دامها كلمتني خلاص إرتاحت ..الموضوع ما وقف على هالشي الريال يوه عيال وتزوج الثانيه وبعد ياب عيال منها ..وأنا كل البلاد عرفت إنه هالريال خطبني ونحنا ماوافقنا ..المشكله الحين كل حد يتكلم من بعيد عن إنهم يبون يخطبوني بس عقب فتره يردون ف كلامهم بسبت إنه نحن ناس شايفن نفسنا وما نزوج بناتنا حق أي حد ومن سنتين خطبني واحد كان منفصل بس ريال والنعم فيه بس للأسف أبي ما طاع وسوا مشكله عوده لأنه عنده عيال وخاف إنه يرجع حرمته بعد ما يتزوجني. وإنتشرت هالسالفه بعد ف البلد وزادت الطين بله وإتصل ف الريال وقاله ما عندي بنت أزوجها وياويلك لو قربت علينا..لا حول ولا قوة إلا بالله .. يارب تصبرني على مصيبتي وتخلف لي اللي أخير منها المهم الحين خطبني واحد زين وكل شي بس عن طريق زوج صديقتي هو اللي دلهم علينا ,إتصلت صديقتي وكانت المفاجأه , الناس خاطبيني من 3 شهور مكلمين أبي بس أبي قال أنا ما عندي بنات للعرس وسمعوا بعد كلام من الناس إن بيتنا ما يزوجون ويرفضون الريايل ..طبعا أبي ما يعرف عن هالأخير اللي خطبني .. ولا نحن قلناله نخاف نقوله ويعصب ويضارب الناس .. أبي وايد عصبي .. والناس رفضوا يرجعون يكلمونه قالوا ما نبغي نسوم ويهنا مره ثانيه مع إنه صديقتي قالت لهم إن البنت وأمها موافقين ويقولون تقدرون تفتحون الموضوع بس عن طريق الحريم وهم بيتصرفون بعدين يعني يخطبون رسمي وبعدين بنكلم أبي بس للأسف إنتهى الموضوع .. سبحان الله .. طبعا أنا دايما أصلي إستخاره فكل أمور حياتي والدعاء والقران وسورة البقره والحمدلله على كل شي .. إختي تقول لا تسكتين .. بس كيف أتصرف ..صح نسيت أقولكم من فتره يت جارتنا وسألت أمي إذا فيه حد تقدم لي ولالا ؟ أمي بحسن نيه قالت لا إنتي تعرفين حد يبا يخطبها قالت لا بوغاده ,وقالت لو حد قال لي بنسير نخطبها بقولهم لا تخطبونها ما بيزوجونها أهلها !! سبحان الله ..الحمدلله إن رزقنا على رب العالمين ..مب أيادي البشر.. الحمدلله أنا صابره ومحتسبه الأجر عند الله وأتمنى من كل وحده تقرا قصتي تدعيلي ..صحيح إني فوق الثلاثين بس الحمدلله عندي يقين كبير بالله عزوجل ..ومتأكده إن ما أصابنا ما كان ليخطئنا ..وما أخطأنا ما كان ليصينا وكل شي قضاء وقدر..الله يآجرني ويتقبل صلاتي ودعائي ..
ابصرااحة حبيبتي سالفتج تعور القلب والله يهدي ابوج والله يرزقج بالريااال الي يعوضج كل الايام الي راحت من عمرج
الله يهدي أبووج غناتي ويرزقج بالزووج الصالح عاجل غير آجل يا رب
الله يوفقج ان شالله ويكتبلج اللي فيه الخيره
والله سالفتج تعور القلب
الله يعينج ان شاء الله
وكل تاخيرة فيها خيرة
والله بيعوضج بالانسان الي بيحترمج وبيحبج
كل شي قسمه ونصيب..
ان شاءالله اللي فيه الخير ربي بيقدمه خاصة انج تصلين استخاره
ماتدرين وين الخير