مشكلة اجتماعيية ممكن انتي، أنا،هي أو أي بنية في بيت هلها تتعرضلها
أكيد بتراودكن تساؤلات الحين
ابطول عليكن وبدش على طول
افترضي >>>مجرد افتراض<<< حبيتي أو لا خليها حبج واحد خليجي>>>بحريني كويتي عماني سعودي أو قطري المهم بالأخير من دول الخليج
بغا يتقدملج يخطبج
شو موقف هلج هنيه أو بالأحرى رايهم؟
وانتي شو موقفج وشو رايج؟
ولنفترض رفضوا،، وانتي خلاص بغيتي هالشي بعد ماستخرتي طبعا ً وارتحتي للموضوع
هنيه كيف انتي بتتصرفين؟
وهل بتقدرين تغيرين وجهة نظر هلج بحيث يوافقون؟
موضوع جي طرى عليه وحبيت أشاركم فيه^_^
ابا قطري
لوووووول
امممم
الصراحه اهلي مابيعارضون… عااااادي
التنويع حلو ترى ههه
تسلمين ع موضوعج الحلوو
بالنسبه لي على طول بخضع لراي أهلي
إذا قالو لأ لاأ
مب عشان شي الخلييييج كله على راسنا
بس يقولون ما تهونين علينا تسيرين بعيد عنا
ما نصبر عنج
و حتى لو كانو عايشين في الإمارات
ما بيرظووون
بيقولون ما نعرفهم هم من بلد و نحنا من بلد
المشاركة الأصلية كتبت بواسطة صمبوخه 
لوووووول
امممم
الصراحه اهلي مابيعارضون… عااااادي
التنويع حلو ترى ههه
تسلمين ع موضوعج الحلوو
خخخخخ
الله اييبلج لي خاطرج فيه
وزين يوم ان اهلج مابيعارضون
بس انا افترضت هالشي وحطيت اسئلة قلت بشوف رايكن
بس ع كل ٍ
تسلمين حبيبتي ع المشاركه^_^
بصراحه المفروض انه مافي فرق بس انا لو بنتي تقدم لها واحد من بلد خليجي بعيشها معاه في بلاده مابرضي ابيهم يمي بناتي حبايبي
انا مع اللي قالت انهم يسكنون في الدوووووووووووووله ((ارضنا الغاليه ما نقدر نبعد عنها )) بس عقب الزواج و بعد ما تحبينه صدق .. صدقيني لو يقولج اسكني معايه على القمر بتقولين حااااااااااااااااااااااضر لأنج تحبينه و اهم شي بيكون .. و الباقي على العين و على الراس بس هو في القمه ..
يعني مبدئيا ما شي اشكال .. هييل اهلنا و ناسنا و خليجنا واااااااااااااااااااااااااااااااااااحد ..
القلب عاد حبوبه
مادري لو قال تعالي اسكني ف قطر
مادري شو ردت فعل اهلي
لووووول
بس ويين ويين الزواج انا مافكر ف الزواج مادري متى بفكر فييه
إللي بيبه الله حياه الله ….من وين ماكان