السلام عيكم ورحمة الله و بركاته..
كل أم يكون صعب عليها تترك ولدها و تروح الدوام خصوصا اذا اول طفل يكون عندها وهي موظفه،، و أكيد بيكون اصعب اذا هي ساكنه فإمارة بعيد عن اَهلها.. يعني أكيد بتضطر تترك ولدها فحضانة ،، او بيبي ستر،، او الخدامة (طبعا ما أحبذ هالفكرة أبدا) ،،
تعالو نتناقش خواتي فهالموضوع،، برأيكم شو الأفضل ؟؟ عشان تساعدوني أقرر وين اخلي ولدي،، لأَنِّي والده من أسبوعين و نص تقريبا،، و ساكنه بعيد عن اهلي ،، و وااااايد مستصعبة أني اخلي ولدي حبيبي فحضانة و أفكر أخليه فالبيت مع بيبي ستر بارت تايم و أحط كاميرا مع اخوه الأكبر (سنتين و نص) ،، او أوديهم هم الاثنين فنفس الحضانة،، علما بان دوامي فيه حضانه بس المشكلة ما بيدخلون اخوه الأكبر لأنهم بس يأخذون الرضع!! فصعب انزل اخوه فحضانة ثانيه و اخلي النونو فالسيارة لين انزل اخوه الحضانة و بعدين اروح وياه الدوام وانزله حضانة الدوام،،
شو رأيكم خواتي،، ساعدوني أقرر شو الاحسن ..
فانتظرا ردودكم،،،
في كل الأحوال لا تخلينه بروحه ويا الخدامة في البيت
يا اما تودينهم ويا الخدامة بيت عمتج أم ريلج
أو الحل الثاني اللي ذكرتيه وايد زين
تنزلين اخوه الأكبر الحضانة وتشلين الرضيع في كرسي السيارة أو سلة مجرد دقايق
وبعدين ودي الرضيع خضانة الشغل ..الحمدلله انتي في نعمة انه عندكم حضانة في الشغل غيركم ما عنده
رايي مثل ياقوتة خضراء وبالتوفيق لج اختي 
واي مبروك النونو ياقلبو
لا ابدا لا تسوين حركه بيبي سيتر بارت تايم ..
اذا اهل ريلج جراب ودي النونو مع اخو بيت اهل ريلج وخلي الحضانه تمر بالباص حق الاخو العود يعني لختاري حضانه جريبه من بيت عمتج ونزلي ولدج بيت عمتج مع اخوه والباص بيمر هناكي بياخذ الكبير وبتم الصغير عند عمتج تشرف عليه و الخدامه الي تغسل وتنظف .. ها حل
الحل الثاني ..
ممكن تختارين حضانه جريبه من دوامج حق الاخو الاكبر وتنزليه مال دقيقه عادي ما بيستوي شي عليه تنزلينه الحضانه وتردين السياره و طيران على الدوام وماعليه شر .. مثل ماقالت الاخت عندج كرسي الرضع ركبيه في سيارتج .. وان شالله خير
شكرًا خواتي على ردودكم ما قصرتو،،
بالنسبة للي قالو أخليه عند أهل ريلي،، للأسف انا وريلي بروحنا فإمارة ثانية
انا اهم شي عندي عيالي (موقفه وااايد خطط ووايد إنجازات لي عشان هالعيال لانهم صغار وانا بعد بعيده عن اهلي واهل ريلي )
بقعد فالبيت بجابل العيال إجازة بدون راتب لين يكبر الرضيع
دام انا وريلي بروحنا ف اماره
وحضانه العمل أأمن من الحضانات الباقيه لانج كل شوي ترومين تشوفينه
فكري حبيبتي
بالتوفيق
دخلي الولد الاكبر حضانة اقرب لدوامج .. وودي الصغير حضانة الدوام