السلام عليكم و رحمة الله و بركاته
مشكلتي اللي دايما اعاني منها هي ظهور الاكياس الدهنية في عيوني…………..سويت جراحة اكثر من مرة و بعد تطلع لي مرة ثانية مليت من المستشفيات و من الجراحات……………يا ليت لو واحدة معاها فكرة عن علاج طبيعي مجرب و مفيد لمثل هذه الحالات…………….
و جزاكم الله خير
هلا حبيبتي انا عندي بنت تطلع لها اكياس دهنية في العين وسويت لها عملية وطلع ثاني مرة وبصراحة موب كل مرة راح اسوي لها عملية
استخدمت العسل الطبيعي اكحلها فية كل 3 ايام لمدة لين راح وبعدين اذا حسيت انة طلع ارجع واكحلها لين راح بالمرة والحمد الله تراه حار وبيحرقج احسن
بس لازم عسل طبيعي
نفس الشي اختي كانت تعاني من الاكياس الدهنيه في عيونها، وسوت عمليه شراتج … ويوم طلعلها مره ثانيه وصيتها بالأثمد صراحه ما شاء الله عليها من هاك اليوم لين الحين ماشتكت منه … وغير ان الرسول عليه الصلاة والسلام وصانا نتكحل بالأثمد ، قال الرسول عليه الصلاة والسلام ( عليكم بالأثمد ، فإنه منبتة للشعر ، مذهبة للقذى مصفاة للبصر)
مشكورة اختي قماشة ع المعلومة ريلي يعاني منها بعد
العفو حبيبتي ،، وحنا فالخدمه
مرحبا
انا سمعت انه يوم يكون الكوليسترول مرتفع تصير هالمشكله وانصح ختيه انج تبحثين عن سبب هالشي اللي يصيرلج عشان تقدرين تجنبين حدوثه والله يشفيج ان شاء الله
سبحان الله .. كنت اتحرا انا بروحي عندي هالمشكله .. الدكتور شافها وقالي انه شي عادي وقالي لو تبين ممكن بالجراحه انخوزها بس عاد انا اخاااااااااااااف عشان جيه ما سويت العمليه