اكثر من 4 شهور ما اكلم !! :(

اولا انا من النوع الي وايد كتومة و حساسه لدرجه فظييييييعه ممكن اي كلمه تجرحني
فكرت فيها عشرين مره اني انزل موضوع ولا لا و توكلت على الله وقلت ابا القى حلول
منكم لأنكم انتوا ممكن تفهموني لأنه والله ثم والله ماعندي من بعد الله غيييييييييييييييييركم
كنت ابا احاول اراسل اخصائين نفسيين بالنسبه لهلموضوع بس ماحبيت

يا اخواتي انا من 4 شهر وشوي ما اكلم (امي) لاتنصدمووووووووووون الله يخليكم
حتى والله السلام ما اسلم عليها

والله لو بقولكم شو تسوي بي وكيف تعامل خواني الثانيين مابتصدقون كنه انا وحدة من الشارع
ماريد اتكلم عن فعايلها معاي و ماريد اتكلم كيف تأذيني لساعات اصيح الدموع
دم اي كلام يجرح بتقطه بويهي مب لأنه انا حساسه وايد يعني مافي انسان بهالدنيا
هاي مابيحس ابوي تعب وماقام يتحمل
للعلم انا الفترات السنين الي طافو يوم تواجعني ولا تقط كلام بويهي ما اكلمها وابوي دوووووووووووووووووووووووووووووووم يقولي انتي معاج الحق وانا اعرف شو الي يصير من بينكم وللعلم هاي اول مره توصل لل 4 شهور قبل ماتعدي شهر او اسبوعين
وابوي مايقدر يسوي شي تعب خلاص انا طفرت ماصرت اتحمل اتمنى من اليوم قبل باجر اني اعرس وافتك ممكن هي تفتك مني هذا املي فالحياه والله

سويت كل الي يرضيها و كل الي يعجبها وفوق هاذا تقولي انتي مب حنونه علي
وانتي انسانه بس همج تتكشخين وتطلعين مع بنات عمج
يعني وايد تغااااااااااااااااااااااااااار واروح معاها واطلع والا لازم نتظارب حرمت من ذاك اليوم ما اطلع معاها

وفي فتره من الفترات اختي الصغيره الها صديقه اتصلت على البيت وردت امي عليها وقعدو يسولفون
وفجأه تداخلو بالكلام والا اسمع هالكلمه( انا ما اصبر عن …….فلانه مالي غيرها) تقصد اختي !!
اوكيه وغير هاذا كله يوم نطلع ولا شي لبست بنطلون وعليها عبايه مسكره تقعد تصارخ وتسوي حفله واذا حق اختي والله العظيم والله والله ماتقولها كلمه اق ماتقوولها لها !!!!!!!

انا ما عرف هل هي ام !! ولا شو بالضبط
ماقدر خلاااااااااااااااااااااااااااااص والله يا ناس ماقدر اتحمل اتمنى الموت
لعمري والله لا اييب هاليوم بس والله ساعات الانسان مايقدر يتحمل شي فوق طاقته

انا تيني ايام امرض و اقعد فسريري مب ساأله عني اما اخواني الباقيين تحاضيهم
وتعتني فيهم وللعلم نحن كلنا مب يهال يعني عشان ما تقولون لي يمكن هم صغار

حتى ابوي يقول اهي ماعندها اسلوب فالكلام وهاذا صح وفعين الحقيقه ومب جذب عشان بس جيه
وابوي مايحرضني عليها بالعكس ابوي يدافع عن الحق

والله والله الحق معاي انا لو انا غلطت بعترف في شي وبقوله لكم ماعندي مانع

منعتني من ابسط حقوقي الي هي اني ازور بنات عمي هم فيهم حركات بنات عمي امي ماتعجبها نوعا ما بس انا ما احتك من نفسهم انا لي اسلوبي الخاص بس لا هي حاطه في بالها خلاص انتي دامج وياهم انتي نفسهم وهم بالعكس طيوبات بس فيهم حركات استهبال بس لا اكثر

هي بس يوم تضارب معاي ولا تصارخ في ويهي ترتاح ! هاذا هو بس

اخواني الباقيين انصدم وفنفس الوقت يحزز في خاطري تدلعهم و تحبهم وانا بس جيه اقعد واطالع
والله الي مصبرني لين هاليوم ابوي بس الله يحفظه

انا بدون ابوي والله عادي افكر اني اطلع من البيت استغفر الله العظييييييييييييييييييييييم لا حول ولاقوة الا بالله

شو اسوي الصلاه اصليها و الادعيه ادعيها و الاستفار استغفر ؟؟؟؟؟؟؟؟؟؟؟؟؟؟؟؟؟؟؟؟؟؟

هل تشوفونه هاذا عمل .؟؟ أو شي لنه مب طبيعي الي يحصل بيني وبينها

ادعو لي دخيييييييييييييلكم لأني كرهت لي الدنيا وكرهت لي عيشتي وبعدني في اول شبابي
بعدني صغييييييييييييره