السلام عليكم و رحمة الله و بركاته
شحالكم خواتي؟
ما بطول عليكم بخبركم السالفه اللي عندي
و هي قصة وصلتني من وحدة من ربيعاتي
===
في ريال متزوج وحده عن حب ، و عندهم ولدين الله يحفظهم ..
اكتشف الريال بعد فترة ان حرمته ترمس واحد و لا تسألوني عن الطريقة اللي اكتشفها بها
لأنها طريقة فظيعه جدا .. و الله يعلم بحالة الريال يوم عرف
===
تتوقعون شو ردة فعل الريال؟
بصراحة الزمن انقلب بس مب ع الكل قبل الحرمة تكتشف ريلها يرمس بنات ..
الحينه الرياييل قاموا يكتشوفون حريمهم يرمسون شباب !! ((الله المستعان))
و نفس ما قلت مب الكل هالرمسة مب عامة .. لكن البعض ..
===
الحينه الريال مب قادر يعيش وي الحرمة و حاس بخيانة
و اكيد الشعور صعب
هو يبي يطلقها بس اهله رافضين هالفكرة و بنفس الوقت
ما يبي يخبر اهله بهالسالفة لأن يبي يحافظ ع سمعتها
و عايش وياها و مب طايقنها بس عسبة الموقف اللي صار
===
تتوقعون شو ردة الفعل الطبيعية للريال بخصوص هالموضوع ؟
ينلام لو رمس بنات هو بعد ؟ مع العلم ان هو ما كانت عنده حركات ترقيم بنات و جذه
و صار يرقم اي بنت يشوفوها ؟ انا اتوقع السبب ان هو حس بنقص و جرح عميق
انتظر ردودكم …
سبب الموضوع: حبيت أوضح كيف ان الحرمة اللي تخون ريلها ما راح تتهنى بحياتها وياه
و أبا أعرف رايكم بالموضوع
استغفر الله
الله يهديه
يعني يصلح الغلط بغلط؟
المفروض اذا مايقدر يعيش وياها يطلقها ويدور عن بنت الحلال ويتزوجها
مب يروح يدور على الغلط ويعصي ربه
الله يهدي الجميع انشاء الله
الزمن انجلب الحين
والله مادري شو أقول بس صدق زادت هالحالات إن الحرمه تخون ريلها
بس إللي قهرني إنها متزوجتنه عن حب يعني مب مغصوبه وعندها منه عيال>>>ماعرف ليش جيه سوت>>استغفر الله العظيم>>مافكرت في سمعتها وسمعت عيالها وكيف بيجابلون الناس يوم يعرفون إن أمهم سمعتها خايسه وخانت أبوهم كيف بتقدر تحط عينها بعينهم كيف بتقدر تربيهم ولا تنصحهم لأنهم مستحيل يتقبلون منها شي وهم عرفو شي يوطي الراس عنها
بس بصراحه أنا الحين ويا الشباب يوم يقولون مستحيل نآخذ وحده كنا على علاقه وياها قبل وحتى لو كانوا يحبونها
صح إن مب كل البنات جيه وحتى لو البنت صادقه وتحبه لازم ماترخص عمرها ….وثاني شي مثل ماكانت على علاقه معاه ومتعوده على هالشي يعني ماعندها أي مشكله تبدأ علاقه مع واحد ثاني
بس ماأقول إلا الله يهدي شبابنا وبناتنا ويستر علينا وعليهم
شوو بعد مب رايم يطلقها لزم هذي بترمس وبتلعب تعرف ريلها ما عنده شخصيه االله المستعان
لاحول ولاقوة الا بالله
يالله كيف انها صعبه والله صعبه الزوج يكتشف خيانة زوجته له !!!
تنجرح رجولته واحساسه وكرامته !!
الصراحة مالومه اذا طلقها بس إن سامحها وستر عليها وعطاها فرصة شهامة منه وسمو اخلاق
الله يعينهم