مرحبااا الغوالي
ابا اشتري شنطه للحضانه تكون عمليه حلوه وخفيفه هل في ماركات معينه محلات معينه لان هذا اول طفل وانا ما اعرف سوالف المدرسه
هل اشتري شنطتين وحده حق ملابس التبديل وبعض احتياجاته ووحده حق الاكل كيييف الترتيب
وتسلموون 
موفقه عزيزتي
حسبي الله ﻻ اله اﻻ هو عليه توكلت وهو رب العرش العظيم ♡
الله يوفقج يارب 
هلا اختي
ماتحتاجين شنطة للتبديل
لأنج بتخلين كمن شغلة في الحضانة على طول مب كل يوم تودين تبديل
مثل:
1- كيس حفاظات اذا بعده ماتعلم على الحمام وتكتبين اسم ولدج عليه
2- علبة مناديل مبللة للتنظيف، يفضل العلبة مب الكيس لأن اللزقة ممكن تخترب وتنشف المناديل اللي في العلبة البلاستيك تحافظ على رطوبة المناديل وطبعاً تكتبين اسمه عليه
3- غيار كامل ( ملابس وملابس داخلية وجوارب) اذا كان في مرحلة التعلم على الحمام يفضل تلبسينه ملابس قطعتين يعني اذا بلل نفسه يغيرون له ملابسه التحتية بس الهاف والشورت او البنطلون وحطي ملابس تحتية زيادة،، تحطينهم في كيسة نايلون كبيرة بسحاب نفس اللي يحفظون فيه الاكل وتكتبين عليها اسمه،، يفضل الملابس السهلة في اللبس بدون زراير مثلاً تي شيرتات وبناطلين او شورتات ( حطي الملابس اللي ماتندمين عليهم لو ضاعوا)
4- كرتونة ماي الحجم الصغير وايد وتخبرينهم انه لاستخدام ولدج وكتبي اسمه عليه
بالنسبة لصندوق الاكل
اذا ياكل بس وجبة وحدة في الحضانة اللي هي سناك تاخذين علبة الاكل اللي يبيعونها مكان يبيعون شنط المدارس في الجمعيات والكارفور وممكن المكتبات يكون قياسها تقريباً لو تحطين يدج تكفي،، ممكن تحطين علبة حليب سادة او مع نكهة، سندويتش او فطاير، فاكهة
اذا ياكل وجبتين سناك وغدا بتحتاجين شنطة اكبر على الاقل تكفي عرض يدج الثنتين او اللي تي على شكل دورين في قماشي خذي المبطن من داخل عشان يحافظ على برودة الاكل وفي بلاستيك ( وفي معدن شخصياً ماحبه يسخن الاكل داخله يخترب لان جونا حار هذا غير صوته المزعج)
في صناديق مقسمة من داخل بس ماعرف من وين اييبونهم،، او ممكن تسوين مثلي اشتري علب حفظ الطعام الصغيرة اللي الغطا فيه جل للتبريد تحطين العلبة في الفريزر من الليل والصبح تعبينه فيحافظ على برودة الاكل ويفضل تحضرين الاكل بالليل وتغلفينه بورق النايلون وتخلينه في الثلاجة يبرد،، بهذي الطريقة بتحافظين على برودة الاكل اطول فترة ممكنة
وحطي ملعقة وشوكة الاطفال في الشنطة وممكن ملة صغيرة ماتنكسر اذا بتطرشين كورن فليكس او تحطين الكورن فليكس في علبة حفظ الطعام مع غطاته
طبعاً اذا وجبتين في اليوم كتبي على كل علبة ( lunch او snack) انا حتى علب الحليب والعصير اكتب عليهم عشان مايلخبطون لأي وجبة
اي استفسار ثاني انا حاضرة وبعد البنات ان شاء الله يفيدونا اذا عندهم شي يضيفونه
وفي كل الاحوال لكل حضانة قوانينها وجدولها سأليهم بعد… أهم شي انج تريقينه عدل قبل ماترسلينه الحضانة
الجوريه ماقصرت كفت و وفت
للرفع …
الورده يزااااج الله خير كفيتي ووفيتي
استفدت وااايد تسلمييين خلاص باخذ بس لانج بوكس