السلام عليكم بنات
كل عام و انتوا بخير بمناسبة السنة الدراسية اليديدة
حبيت استفسر عن اللي عيالها فمدرسة دبي الدولية اذا تقدر تخبرني عنهم ,لان عيالي فمدرسة دبي الوطنية و افكر انقلهم
مافي أحسن من المدارس الحكومية صح مشاكل بس إذا الأم والأبو بيتابعون العيال والله الأمور طيبه هال مقارنه حسيت فيها في الكلية أن بعض البنات طول عمرهم في الخاصة ما يعرفون أي شئ من اللي يدرسونه بس لغتهم الانجليزية تكون أوكي بس أمور الدين وغيره من مواد صفر ع الشمال ،، نصيحه حبوبه دخلي عيالج إذا أولاد مدرسه خالد بن الوليد هاي نموذجية بس وايد زينه و إذا بنات دخليهم مدرسه الإبداع ، اول شئ أوفر في المصرف وثاني شئ يهتمون في الطلبة في كل شئ وسالي عن ها لمدارس وبتعرفين
الدوليه انا دخلته الحضانه اللي هناك ابد ما ارتحتلها
حتى خالتيه مدخله عيالها هناك تقول المدرسات عصبيات
احسن الوطنيه احسن انا يوم دخلت الوطنيه ارتحتلها
عيال أخوي هناك بالروضه أشوف أمهم تمدح المدرسه وحتي اليهال أيون فرحانين أتوقع مافي نقل الحين