افضل فارق عمر للحمل التالي، شاركوني تجاربكم

السلام عليكم

اذا تقدرين تمنعين وترتبين بين عيالج بالعكس شي زين
تراني اكبر عنج بسنة وعيالي ورا بعض والحين حامل بالخامس الله يتمم حملي 
فإذا كان عندي حل للمنع بالعكس راحه لي فسبحان الله قدر الله ما شاء فعل

إذا عندج حد يساعدج ييبي ورا بعض وارتاحي.احسن من تكوني في سن الأربعين أو الثلاثين..تردي من أول لتعب الحمل..الحمد لله الله يخلي عيالي ويحفظهم يارب.الحين بنتي الكبيرة ست سنوات واخوها.اربع.واختهم سنه وشهرين .والحين انا حامل الله يتمم عليا بخير يا رب وأقوم بالسلامة. ..عمري الحين 33.الحمد والشكر لله. ..

وعليكم السلام ورحمة الله وبركاته

الله يحفظ لنا عيالنا ويرزقنا من حيث لا نعلم

المشاركة الأصلية كتبت بواسطة N.A.L

وعليكم السلام ورحمة الله وبركاته

احس صعبه ياهل ورا ياهل بجاابلين منو ولا منو !

برأيي احسن بينهم سنه او سنتين ع الاقل كل طفل ياخذ حقه

انا ولدي كمل سنه والحين افكر فالثاني بس احس صعب ماشاء الله بروحه

يباله مجابل واكل وغسيل وحسن تربية ..

الله يحفظ لنا عيالنا ويرزقنا من حيث لا نعلم

صح وايد صعب وخاصه اذا مرضوا كلهم مع بعض احس اني أمرض وياهم تقولين تواءم الله يحفظهم
اللي تقدر تباعد وترتب زين عاد اللي ما يناسبها اي نوع منع شو بتسوي
الحمدالله عندي إمكانية أدخلهم كلهم الحضانه لكن ما ادري احب أعلمهم واربيهم بنفسي

عشان ما يكون عندج ترهل في البطن انصح تنتظرين سنتين مع الرياضه

لان ورا بعضهم ما تعطي عضلات البطن وقت ترد مثل اول
صعب ترجع مثل اول بتعانين من الكرش

المشاركة الأصلية كتبت بواسطة مونتاج

عشان ما يكون عندج ترهل في البطن انصح تنتظرين سنتين مع الرياضه

لان ورا بعضهم ما تعطي عضلات البطن وقت ترد مثل اول
صعب ترجع مثل اول بتعانين من الكرش

غريبه عيل انا بطني لازق بظهري على قولة خالتي سلق يمكن لاني اسوي تمارين البطن من بعد الولاده بثلاث ايام