اعانــي من آلام في منطقــة . , وخايفه من الحمال افيدونــي ):

كل عام وانتو بخير بمناسبه قدوم عيد الفطــر ..

والله يعوده علينا بالخير والبركات ان شاء الله

بنات من ثلاث سنين تقريبا .. طحت ثلاث مرات في سنه وحده ! اعوذ بالله من الشر ..

وكله اطيح بنفس الطيحه بالضبط .. اطيح بطيحه جني يالسه .. مادري فهمتو قصدي ولا ؟

يضرب ع منطقة الحوض بس بقوو ..

لدرجه اخر مرتين طحت فيها حسيت اثر ع العامود الفقري ويتني دوخه خفيفه .. وراحت بعدين ..

وانا من وقتها ما صدت خير ..

يوم بيقرب موعد الدورة احس ظهري شبه متكسر من كثر الالم .. ( ماكنت اعاني من قبل)

وغير جيه احس الالم متمركز في مكان معين بس ..

عند منطقة الحوض ممتده الين نص الظهر جهه اليمنى ..

راجعت عياده حكوميه وقتها وعقب طنشت ..

واصلا ماحسيتهم كانو مهتمين ..

مع اني احس بالم فيه مكان معين اللي صوب الحوض الين نص الظهر ..

بس اليوم وانا اسولف مع اختي .. كنت اقولها احس عندي احس بالام في هالمنطقه ..

قالت لي يمكن عندج ضعف في منطقة الحوض ..

وخبرتني بسالفتها فتره من فترات حمالها .. منطقة الحوض ضعف وتعبت وااايد بسبته ..

وانا بعدني بنيه .. تروعت والله .. اذا فيه مجال اتعالج الحينه ليش لا .. احسن من اتعب اكثر عقب

ابغي اراجع بس ماعرف وين اراجع ؟؟