استوينا اخس عن الشباب موضوع الصداقات

.. شحالكن خواتي وشخباركن عساكن الا بخيــــر وصحة وعافية ..
.. انا اليوم مريضة وماداومت ، عسب جيه راسي تم ايودي واييب ، وما خليت شي ما فكرت فيه الماضي والحاضر الحلو والمر ومن بين الاشياء اللي فكرت فيها موضوع الصداقات الحاصلة في المنتدى …………………

سعات تلاحظون في المنتدى مواضيع للتعارف والصداقات ويتم التعارف اما عن طريق الرسائل الخاصة او الايميل الخاص او حتى المكالمات الهاتفية ..
ونستانس انه احنا تعرفنا على وحدة يديدة ونعشم عمارنا ونيلس نحلم بانها بتكون صديقة مخلصة ووفية وعاقل وتعينا على انفسنا ونستانس معاها ونظهر ونعيش مع صديقة الروح …. ( طبعا مرات تضبط هالاحلام ,,, وطبعا سعات هالاحلام تكون اوهااااااااااام وما تتحقق .. وهاللي اقصده ..

.. المشكلة انه هالبنت اللي اتعرفنا عليها ما تعجبنا خصلة من خصالها او تصرف او حتى شكلها … تعرفون شو يستوي ( تستوي نذالة الشباب ) طاااااااااااااااااف بالعشر .. لا رسائل خاصة .. ولا ايميلات خاصة ولا حتى مكالمات هاتفية ومسجات تنفع .. يعني طااااااااااااااااااف من الخاطر

انتوا معايه انه هاي حركة الشباب .. واتم البنت المسكينه مغمومة ومهتمة وتفكر بالايام والليالي انا غلط وانا غلط وانا شخصيتي ناقصة وانا شي فيني غلط وتنكسر ثقتها بنفسها .. وتفكر ليش!!! وكيف .؟؟؟

وطبعا الطرف الثاني تروح اتدور على صديقة ثانية …………… وثالثة ورابعة وممكن انها تسوي نفس اللي سوته من قبل ….
.. والبنت المسكينة بعد نفس الشي تروح اتدور على صديقة ثانية ………… وثالثة ورابعة ويستويلها نفس اللي استوالها من قبل ؟!؟!؟!؟!؟

سبحان الله شرات الولد اللي ايعيش مع البنت قصة حب ويوم يخونها او تخونه ويتركون بعض كل واحد منهم يسير ايدور .. قصة حب يديدة ..
وهاللي حاصل بين صداقات البنات ولكن طبعا الاهداف مختلفة ، لكن نفس الحبكة الدرامية .. وتتكرر الاحداث ….

انا اقول انه الوحدة اللي اتدور صداقات في المنتدى وتعلنها للجميع انها تبا صديقة وتحدد شخصية صديقتها اللي تباها يعني ( تفصلها ) هب تفصل نفسها !!!! .. ( طبعا هالكلمة بتستغرب منها الكثيرات وبيضحكن وبيعايبن وبيضاربن بعد ) لكن اعيدها واقولها تفصل الصديقة اللي تباها ، عسب ما ايي يوم وتتنازل وحدة منهن عن الثانية ويستوي اللي يستوي وتتكرر الاحداث ….

انا اتعرفت على بنات وايدات من هالمنتدى ، من يوم ما دخلته لين اليوم .. يمكن عشرين وحدة او اكثر وكلميتهن واتخيلت انه وحدة منهن بتكون صديقتي المقربة وطبعا كلها اوهااااااااااام ..

واعترف اني من بين هالعشرين اتنازلت عن وحدة وتمت تتواصل معايه لكن انا اللي سويتلها الطااااااف لاسباب ( صداقة المصالح ) … لكن الباقيات صدموني ..

ومرة من المرات يوم قررت اني افصل الصديقة ، بعد ما وحدة طرشت لي ايميل طلب صداقة بناء على موضوع صداقة للجميع ، وساليتها شو الهدف من طلب صداقتج لي ، طبعا زعلت وعصبت وردت انتي اللي تبين ولو ما تبين على راحتج !!!!!! انزين ليش تعصبين وتزعلين ـ والسالفة باينة من بدايتها ضرابة وزعل !!!!

من سنتين اتعرفت على وحدة ولين الحينه نتكلم ، اول ما تعرفت عليها كنا نتكلم في اليوم الواحد خمس ست مرات ، لكن الحينه بالشهر والشهرين لا اتصال ولا مسج !!! لكنا بعدنا على اتصال ، شو اللي تغير وشو اللي استوا !!! هيه طيبة وما عليها كلام لكن شو اللي اتغير فيها وشو اللي اتغير فيني ما ادري

من ورا هالصداقهـ من حيث لانج تعرفتي عليهاا برغبتج مب غصب عنج غنااتي .. برغبتج طورتي العلاقهـ من العاام

للخااص ومن الخااص للمسنجر ومن المسن للتلفون وكان بمكانج الرفض ف ليش تلومينهن ..!

اني محتاايهـ صديقهـ مب معناتهـ اندفع ورا رغباتي و اعق نفسي في البلايا والمصايب بس لاني ابا صديقهـ .. الشغلهـ يبالها تفكير اكثر من مجرد اندفاع

حتى انتي حااسبي نفسج ..

كيف تثقين في بنت عمرج ماشفتيها والتواصل معاها من خلال الشاشهـ .. ماننكر انهـ فيهـ بنات سنع وربى و امعنى

يغير في كل مكاان باتلاقين الزين والشين .. يعني حتى هنيهـ مثل ماافيه الزينهـ فيهـ الشينهـ