شحالكن بنات إن شاء الله طيبات
بنات بغيت أسألكن
*من تعرف مكان يعدلون أبواب حلوه وكاشخه وأسعارها حلوه ومعقوله(بغيتها لأبواب الميالس وغرف النوم )
*وبعد بغيت اعرف شو أحلى للحمامات (نوعية الابواب)
*وشو أحسن للحماما من داخل من ناحية البلاط (الدارج اللحين (الملون ولا اساده)
*ومكان فيه صباغين يصبغون ويسون ديكورات حلوه وطبعا باسعار معقوله
* نسيت المطبخ
شو أحسن الكباته الخشب ولا الالمنيوم
ما أدري أحسن الخشب احلى من الالمنيوم بس يخترب من الماي
وين الاماكن اللي ممكن احصل ولا افصل فيها للمطبخ
ويا ريت اللي عندها صور ما تقصر معايا
الغالية بالنسبة للابواب وايد اماكن يسوون لج بيبان حلوة
اذا فالعين ما ادل الصراحة فالشارجة نحن مختارين من المنطقة الحرة و عندهم بيبان حلوة بس الصراحة ما شفتهن بعيني بس من الكتالوج
و بالنسبة لابواب الحمامات فانا اشوف الالمنيوم وايد احسن و انظف للحمامات..
و بلاط الحمامات انتي وذوقج غناتي.. انا اشوف الوان غامجة وتعيبني بس حطي فبالج الالوان الغامجة يبالها اماكن وسيعة شوي تطلع احلى .. وفيه الوان فاتحة بعد وايد حلوة .. يعني تقدرين تمكسين بين الفاتح و الغامج ..
الصباغين بعدني ما وصلت لهاي المرحلة .. فما عندي فكرة بس مخزنة رقم كم صباغ..
و كباتة المبخ مادري شو الافضل المنيوم ولا خشب .. بس شرات ما قلتي الالمنيوم اظني يدوم اكثر و انظف بعد
مشكورة الغالية ما قصرتي
بس بغيت في العين اقربلي
وينكن يا بنات العين
حبيت ارفعلك الموضوووع
وادعيلك ان الله ييسر امور بيتكم
وتسكنينه بالصحه والعافيه
للرفع
Rosewater
أم ساره
مشكورات وما قصرتن
ويسدن بس دخولكن
ويا رب نسكنه ونتهنى فيه واحنا بصحة وعافيه واسره متحابه ومترابطه
والله ييسر للجميع ويستقلون رواحهم وينهنون في بيوتهم
أنا فصلت المطبخ" ألومنيوم" عند جولدن تاور اللي ف الصناعية.. والدريسنج عنده بعد بس خشب..
البيبان عند واحد رشحه لينا المقاول..
وإذا حابة تشوفي بيتي( بعده يتشطب) حياج