مرحبا خواتي ،،
بغيت أعرف سو أحسن نوع من حلمات المراضع و اللي ما يسمح للنونو انه ياخذ الهوا من المرضعة ،، انا من فترة جفت اعلان و نسيت شو اسم ماركة الحلمة اللي ما تسرب هوا للنونو ،،!!
انا احس مثل طالعتلي كرة صغيرونة ف منطقة الابط ، و انا أم يديدة و حاليا أرضّع النونو من صدري و من المرضعة ،،
حد يطمني هل من الطبيعي تظهر للام اللي ترضّع مثل هالاشياء ف منطقة الابط ؟ و هل استوالكم جي ،؟؟ طمنوني لاني خايفة ، اول مرة تظهرلي مثل هالدويرة ف هالمنطقة
حبيبتي بالنسبه للمرضعه انا سمعت انا ماركة افنت مراضعهم مااطلع هوا .. وبالنسبة للدويره الي تقولين عنها حبيبتي راجعي الدكتوره احسن اكيد هي بتعرف اذا عادي ولا لا ..
حبيبتي ماركة أفنت حلوة و بعد بايجون
أما عن الدائرة اذا تكتل او تجمع حليب اعتقد عادي بس التكتل يكون فيه الم وبعد اكثر شي 3 ايام و يروح مع المساج
بس على الحالتين اذا تكتل او اذا شي ثاني راجعي الدكتورة احسن واطمئني على نفسج و طمنينا .
ألف سلامه عليج حبيبتي
في مراضع دكتور براونز يمدحونهم شوفي ريفيو عنهم باليوتيوب ..
وها مال الحليب تكتل ماعليج شر ان شاء الله ..^^
بخصوص الكره اللي فالابط هذي عاديه لاتخافين منها
انا طلعت لي هالكره في باطي عقب ماربيت بكمن يوم وأحس بسببها بألم في باطي بعد
النيرس شافته وقالت يوم بتنامين لا ترفعين ايدج يعني امدها على فوق
لأن يسبب تكتل للحليب وبالمساج بيخوز ان شاء الله
وعن المراضع بصراحه انا استعمل بيجون
ماعرف عن ايفينت بس يمدحون مراضع تومي تيبي
على حسب الطفل شو يتقبل أنا بنتي
ماتقبلت ايفنت لن الحلمة يابسه عليها
ماتقدر ترضع منها وجربت ماركة يديدة
مب معروفة عندنا وايد لكن الأجانب يعرفونها
إسمها MOM Bottles وبسرعة تقبلتها
لن شكل الحلمة عريض ويسهل الرضاعة للطفل