مساء الورد ..
طبعا لاحظت انه الاستفسارات هيه نفسها بكل موضوع باختلاف السرد .. فقررت احط موضوع فيه استفسارات العرايس بشكل عام و اللي عندها معلومه تحطها .. و نتمنى يثبت
بس رجاء خاص .. الموضوع نبغيه يكون هادف ومفيد .. و بعيد عن الردود الجانبيه مثل ( موفقين – للرفع – شكرا – متابعه ………والخ )
نبدا .. بسويه على شكل استبيان للي تحب تجاوبه
1 -كل وحده تخبرنا كم مهرها و شو تجهيزاتها ؟ و شو الشي اللي استفادت منه و شي غلطت سوته ..
2- تجهيزات حفله العرس :
* خبروناعن اماكن تبيع فساتين فخمه و راقيه و الشو الموديلات اللي دارجه الحين و الاسعار
* افضل ماكيرات عن تجربه او ناويه تسوين عندها و كيف مكياجها سيمبل او صارخ والاسعار
* حنايات اييون البيوت و شغلهم حلو ومرتب
* افكار للمسكه من حيث اللون ( شو الالوان اللي دراجه ) و الشكل هل ورد ولا كريستال ووين محلات تسويها وتوصلها للقاعه
* افضل قاعات الافراح في دبي ؟
* تجهيزات العرس ( البطاقات – الكوشه – الزفه – التصوير – التوزيعات – افكار لدخله العروس – تنظيم العرس بشكل عام (ثيم العرس ) والالوان اللي دراجه )
* امن للقاعات .. هل في مكان معين اييب منه امن للقاعه شرطيات .. يعني عن التصوير و المشاكل اللي تصير
خلصنا من تجهيزات يوم العرس .. والحين يا دورج ياعروس
3- كيف كانت عنايتج بنفسج :
شعرج :
بشرتج :
جسمج :
اظافرج :
اسنانج : ( للي جربت التبيض + هوليوود سمايل )
* افضل كريمات للجسم و لوشنات معطره ( ريحه تثبت بالجسم )
4- مشترياتج كامله تكفي لمده كم ؟
5- شو افضل ماركات للمشتريات التاليه
*الشنط .. ( خبرونا افضل الماركات و تكون كلاسيك يعني ماتطيح موضتها بسرعه )
* شنط كبيره للسفر ( ابغي ماركه ) او شي واو ..طقم
* الميكب ( افضل ماركه مكياج للسهرات – يوميه ) ( للسهرات الوان قويه و ثابته )
* الساعات
6- بالنسبه للملابس ..
خبرونا افضل المحلات – مصممات الازياء – ومحلات العبايات ..
7- اخيرا بعد عناء و تعب شهور .. ايي وقت الراحه و هو شهر العسل ..
خبرونا تجهيزاتكم ووجهاتكم .. و افضل الوجهات لشهر العسل ..
و اذا نسيت شي ذكروني اكتبه عسب الفايده تعم
ارجع اكرر نبغي الردود هادفه و تمنع الردود الجانيه لتسلسل الموضوع و سهوله تصفحه ..
غريبه انه الموضوع من اسبوع و للحين ولا رد ..
صراحه موضوع متكامل .. و الاسئله هيه نفسها المتكرره فالقسم ..
اشركج غاليتي ..
وبعد اذن صاحبه الموضوع اتمنى انه كل وحده تكتب معلومه و تفيد فيها حتى لو بسيطه ^^
1 -كل وحده تخبرنا كم مهرها؟
مهري 100،000،، من البدايه رتبت احتياجاتي وحطيت ميزانيه لكل شي عشان مااتوهق..
2- تجهيزات حفله العرس :
* خبرونا عن اماكن تبيع فساتين فخمه و راقيه و الشو الموديلات اللي دارجه الحين و الاسعار:
ماعرف الصراحة بس الاستايل الحين هو السمبل بعيد عن الكرستال وهالخرابيط
* افضل ماكيرات عن تجربه او ناويه تسوين عندها و كيف مكياجها سيمبل او صارخ والاسعار
منال الشامسي.. ندى اللبنانيه ،، استايلها الناعم مب الدفش،، ويسون لج الي تبينه،
* حنايات اييون البيوت و شغلهم حلو ومرتب
يبت وحدة البيت بس ماذكر اسمهاا..
* افكار للمسكه من حيث اللون ( شو الالوان اللي دراجه ) و الشكل هل ورد ولا كريستال ووين محلات تسويها وتوصلها للقاعه
الورد الابيض ،، او ورود الاوركيد وانواع ثانيه تكون موجودة على حسب المواسم ويطلبونها من برع
محلات الورووود يسوونها ويوصلونه لين الفندق..
* افضل قاعات الافراح في دبي ؟
جراند.. ميناء السلام..
* تجهيزات العرس
( البطاقات: سويتها عن وحدة مواطنه مصممه بطاقات
( الكوشه: عند حرمة مواطنه في الشارجة
(الزفه : زفتي كانت قصيده مع اغنيه بصوت المميز عبدالله الشحي على اسمي واسم ريلي – وزفة ريلي كانت هديه على اسامينا من واحد يقرب لنا..
(التصوير: من اضواء المدينة الشارجة
(التوزيعات : حلاويات وكاكاو من محلات الحلاوه + وحدة مواطنه
(ثيم العرس ) والالوان اللي دراجه: اللون الابيض والسلفر والورد الاحمر ،،
* امن للقاعات .. هل في مكان معين اييب منه امن للقاعه شرطيات .. يعني عن التصوير و المشاكل اللي تصير
في جراند تقدرين تحجزين بوديقارديه (حريم) اذا بغيتيهم عند الكوشه يمنعون اليهال يخربون او الحريم يصوروون..
خلصنا من تجهيزات يوم العرس .. والحين يا دورج ياعروس
3- كيف كانت عنايتج بنفسج :
شعرج : ولا شي
بشرتج : فيشل كل شهر + ليزر
جسمج : ليزر + حمام مغربي + حمام تركي
اظافرج : منكير بدكير كل فتره واسكراب
اسنانج : بس تنظيف في جميرا
* افضل كريمات للجسم و لوشنات معطره ( بودي شوب.. فيكتوريا سيكرت،،
4- مشترياتج كامله تكفي لمده كم ؟ على حسب.. اذا بتحملين عقب العرس او بتمتنين او او .. انا لين الحين البس من الي اشتريتهم لعرسي لان جسمي مثل ماهوو والملابس يديدة مب دايما البسهم.. اما باقي الاشياء تعتمد على الاستهلاك..
5- شو افضل ماركات للمشتريات التاليه
*الشنط .. ( ال في.. برادا،، شانيل.. ديور ) وكل ماركه عندها شنط كلاسك او ليميتد او مودرن.. والافضل انج تاخذين كلاسك
* الميكب ( ماك، ديور، شانيل، استي لودر، )
* الساعات (رولكس)
6- بالنسبه للملابس ..
الحين بتحصلين وايدات يفصلن ملابس جاهزه حق العزايم والطلعات ،، واغلبهم في انستغرام..
انا كنت اصمم روحي واسير افصل لي
بالنسبه للعبي كنت اسير عن وحدة موااطنه تبيع في البيت ..بس للاسف وقفت تجارتها
7- شهر العسل ..
سرنا النمسا وسويسرا ومده السفر شهر كامل..
للرفع
مشكووووورة عالموضوع انا بعدني ما بديت التجهيزات وان شاآء الله استفيد منكم
1 -كل وحده تخبرنا كم مهرها و شو تجهيزاتها ؟ و شو الشي اللي استفادت منه و شي غلطت سوته ..
مهري 100,000 طبعاً بدون الشبكة.. بس غلطت في نقطة وايد مهمة اني ما وزعت الفلوس صح من البداية
2- تجهيزات حفله العرس :
* خبروناعن اماكن تبيع فساتين فخمه و راقيه و الشو الموديلات اللي دارجه الحين و الاسعار
انا عرسي كان قبل ٤ شهور و الدارج احينه الفساتين البسيطة جداً نقدر نقول ستايل أوروبي مثل الدانتيل و التور و Peplum Style و الاكمام الطويلة .. أنا ماتعبت عمري سرت على طول المحلات اللي عندها هالاستايلات مثل Pronovias Dubai Mall , The Bride Wafi Mall ,The Wedding Shop Jumaira بس للاسف ماحصلت اللي اباه بالضبط لأني كنت ادور كم طويل و يكون الفستان كامل دانتيل فاضطريت اني افصل عند المصممة Ersa Atelier وخذا الفستان تقريباً ٣ شهور إلين ما جهز
* افضل ماكيرات عن تجربه او ناويه تسوين عندها و كيف مكياجها سيمبل او صارخ والاسعار
كنت أتمنى اني اتمكيج عند عائشة البحرينية بس كانت محجوزة في يوم عرسي .. حجزت عند فاطمة الحمادي و كان يجنن مثل ما انا ابا مكياج وااااايد خفيف و ناعم شرات الاجانب بس يبرز جمالج
* حنايات اييون البيوت و شغلهم حلو ومرتب
وحدة اسمها ليلى حناها يجنن
* افكار للمسكه من حيث اللون ( شو الالوان اللي دراجه ) و الشكل هل ورد ولا كريستال ووين محلات تسويها وتوصلها للقاعه
مثل ماقلت احينه اللي دارج كله سمبل و المسكة شرات مسكات الاجانب ..مسكتي كانت بالورد الابيض و مربوطة بشريطة بيضاء.. شي مسكات غريبة عند محل البستان اللي في الشارجة و محل ود بس يعتمد على الموسم و مرات يبالها شهرين أو أكثر أو اقل إلين ما توصل لأنه أغلبية الورود الغريبة يطلبونها من هولندا
* افضل قاعات الافراح في دبي ؟
انتركونتيننتال فستيفال ستي
* تجهيزات العرس
البطاقات : سويتها عند البنفسج بس غيرت فيها شوي
الكوشه: عند واحد مواطن اسمه عيسى
– الزفه : زفة عقد الياسمين لراشد الماجد
– التصوير : الياقوت
– التوزيعات: من حلويات صافي الكويتية .. موجودين في برشا
– تنظيم العرس بشكل عام : اهم شي ان العروس تدخل روحها و محد يمشي وياها لانه وااااايد يخرب في التصوير … كوشتي كانت كلها ورووود اللون ابيض و أخضر فااتح و نفس الشي السنتر بيس و حتى الاستقبال كان نفس الشي …
3- كيف كانت عنايتج بنفسج :
شعرج : ما خليت زيت ماستخدمته ههههه
بشرتج : سوفت لايت و فيشل
جسمج : ليزر طبعاً و مسااااااج خاصة قبل العرس بأسبوع
اظافرج : بديكير
اسنانج : تنظيف
* افضل كريمات للجسم و لوشنات معطره – فكتوريا سيكرت
4- مشترياتج كامله تكفي لمده كم ؟
الين احينه و احس إلين سنه بتسدني هههه الظاهر اني بالغت و اشتريت وايد أشياء بس لازم العروس بين كم شهر تشتري شي يديد فلا تكثرون يا عرايس
5- شو افضل ماركات للمشتريات التاليه
*الشنط .. برادا ، سيلين ، شانيل ، ال في ، (عموماً كل الماركات التي تحبينها بس خذي الموديلات الكلاسيك)
* شنط كبيره للسفر : انا خذيت من دلسي طقم كامل و حتى سمسونايت شنطهم زينه
* الميكب : شانيل ، افسان لوران ، ديور
* الساعات : رولكس ، كارتير
6- بالنسبه للملابس ..
خبرونا افضل المحلات – مصممات الازياء – ومحلات العبايات ..
فصلت العبي عند خرز و الدريسات الراقية عند Vestido
7- اخيرا بعد عناء و تعب شهور .. ايي وقت الراحه و هو شهر العسل ..
خبرونا تجهيزاتكم ووجهاتكم .. و افضل الوجهات لشهر العسل ..
عشقي الاول و الاخير المالديف
موضوع روعه للعرايس
حبيباتي اوصيكم بالمعوذات والتحصين من اول يوم تجهيز تبتدين فيه
الى ان تتعودين عليها
واهم شي دعاء السوق عند دخةل اي مكان للشراء
دوم اوصى العروس حتى وهي تلبس … لانه صج مريت بمواقف مع العرايس من ربكه وخوف ماخلها تهدأ وتريح بالها الا الاستغفار
وربي يتمم لكم افراح بالمسرات
اختكم حياة