مصيبة و طايحة على راسنا
عندنا حرمة اخو مثل اختنا و اكثر هي متزوجة اخوي من فترة طويلة و عندهم 4 عيال
المشكلة اني عرفت من وحدة انه اخوي متزوج على زوجته من 3اشهر تقريبا و هو ما مخبرنها
الحين شو اسوي شوروا علي من عرفت و انا ما قادرة ارقد لدرجة اني قمت اشك في زوجي و اعصب منه لاتفه الاسباب
الله يعينكم اختي والله يعين مرت اخوج حليلها لو درت بتنصدم
انا اشوف انج تسيرين وترمسين اخوج اسأليه اذا صدق هو متزوج ولا لاء ومتى هو ناوي يخبر زوجته الاولى الحين هو متزوج من ثلاث شهور يعني من فتره طويله تقريبا وان شاءالله خير
لا تخلين هالشي ياثر عليج وعلى حياتج
ولا تنسين الله محلل 4
لا حول و لا قوة إلا بالله
الله المستعان .. !!!
انا اقصد اني لما اقعد وياها احس اني انافقها و بعدين يمكن تعرف اني اعرف عن هذا الزواج و ما قلتلها لو كنتوا مكاني شو بتسوووووووووون
الله يعينها بس انت صارحي اخوج وبعدين لاتخبري حرمت اخوج انج تعرفين سوي نفسج ماتعرفي والله يسهل الامور وبعدين زوجج مايخصه تعامليه مب كل الناس واحد
انت كلمي اخوج وقوليله انه لو هو ما خبرها انتي بتخبرينها وشوفي شو راح يقول اكيد بيروح وبيخبرها ويوم هي بتعرف ولو حسيتي انها زعلت منج لانج ماخبرتيها قوليلها انج يوم دريتي ماحبيتي تخبرينها عشان ما تكبر السالفه وبغيتي اخوج يخبرها قبل وان شاءالله ما تزعل منج