السلام عليكم ورحمة الله وبركاته
اشحاااااااااالكم الغوالي؟؟؟؟
حبيت ابشركم اني حامل ولله الحمد والله يرزق كل محروم ومحرومة بالذرية الصالحة عاجلا غير اجل امين يارب العالمين..
بغيت منكم النصايح فديتكم.. اليوم سرت المستشفى والدكتورة جيكت وقالت بس كيس الحمل يبين اما الجنين لا وانتي احين تقريبا الاسبوع الخامس ويمكن عسبة جذي مايبين وتعاليلي بعد اسبوعين وبنشوف وسوت لي الضغط قالت ضغطج مرتفع وايد 148 على 95 تقريبا وتمي عندنا قلت لها لا انا برد البيت وكل يوم بشيك ضغطي وان شاء الله ينزل بس اذا ارتفع زيادة بييكم ووقعت اني بطلع على مسؤوليتي وانا احين خايفة مادري كيف ماسمعت كلامها وتميت فالمستشفى واحين ماقدر اسير لاني اراجع فالوصل وانا من امارة ثانية وحبيت تساعدوني كيف اقدر انزل ضغطي ؟؟؟؟ وبالنسبة للجنين هل هذا شي طبيعي انه مايبين احين والا؟؟؟
واسمحولي فديتكم
للرفع
بالنسبه للجنين عادي الغاليه مايبين النبض في الاسبوع الخامس وبالنسبه لج لو سامعه كلام الدكتورة احسن عشان البيبي بس قللي الملح في اكلج ولاتعصبين وايد واذا ارتفع الضغط زياده رجعي المستشفى والله يشفيج و يسهل عليج
الغالية
ان شاء الله بينزل الضغط بس لا تحاتين لان كلما فكرتي يرتفع بس تابعي كل يومين
وبنسبة للجنين طبيعي مايبان لان بعدة صغير انا في الحمل بان في الاسبوع الثامن بس لا تحاتين وان شاء الله يبان ويكبر وتشوفينة في حضنج يارب
حد فالعايله عنده الضغط من اهلج؟؟
لان انا استوالي جي فحملي الاولي وكانو زايغين عليه دقات قلبي سريعه وضغطي مرتفع واايد..وحتى وانا اربي جي استوالي وخافو عليه وايد..
بس انا كنت حامل عسب جي ويقولون فالحمل طبيعي تتسارع دقات القلب..بس الضغط متوارثتنه من اهلي
..امايه فيها الضغط وابويه بعد وخواتي يوم يحملن شرات حالتي الضغط يرتفع عندهن..
وبالنسبه لكيس الجنين باذن الله بيوضح لج..والله يثبت حملج ويسهل عليج حملج وولادتج..ومبرووك عليج الحمل فديتج..^_^..
المشاركة الأصلية كتبت بواسطة ~{ شهد 
شكووورة فديتج
المشاركة الأصلية كتبت بواسطة ام فصووولي مشكووورة الغالية وصح هالايام وااااااايد اعصب
المشاركة الأصلية كتبت بواسطة om 3omar ان شاء الله بينزل الضغط بس لا تحاتين لان كلما فكرتي يرتفع بس تابعي كل يومين
وبنسبة للجنين طبيعي مايبان لان بعدة صغير انا في الحمل بان في الاسبوع الثامن بس لا تحاتين وان شاء الله يبان ويكبر وتشوفينة في حضنج يارب
ان شاء الله قالولي شيكي عالضغط يوميا وان شاء الله باجر ينزل تسلمين الغالية
المشاركة الأصلية كتبت بواسطة حرم زوجي لان انا استوالي جي فحملي الاولي وكانو زايغين عليه دقات قلبي سريعه وضغطي مرتفع واايد..وحتى وانا اربي جي استوالي وخافو عليه وايد..
بس انا كنت حامل عسب جي ويقولون فالحمل طبيعي تتسارع دقات القلب..بس الضغط متوارثتنه من اهلي..امايه فيها الضغط وابويه بعد وخواتي يوم يحملن شرات حالتي الضغط يرتفع عندهن..
وبالنسبه لكيس الجنين باذن الله بيوضح لج..والله يثبت حملج ويسهل عليج حملج وولادتج..ومبرووك عليج الحمل فديتج..^_^..
يدتي عندها وخالتي وان شاء الله ينزل تسلمين حبوبة