مرحبااا بنااات
اخويه بخلص الحينه ثنويه عامه فخاطره يدش جامعه يدرس القانون او الموارد البشريه
شورايكم بتخصصات تحسونهاا زينه والا لهاا مستقبل والا
اذا سمعتواا عن جامعه الجزيررررره لي في دبي شورااايك فيهاا
اتمنى انكم تفيدوني
up up
الصراحه تخصص الموارد البشرية واايد حلو ومطلووب…وانا احب هالتخصص واايد,,,وبعد تخصص ادارة الاعمال مطلوب هالايام
بس القانون مادري احس كل حد داش هالتخصص ومادري عن فرص العمل متوفره ولا لانه اكثرهم يشتعلون محامين احسبها شغله متعبة
وعن جامعة الجزيره ولا مره سمعت عنها….بس أهم شي ايصلي استخارة وان شا الله بيوفقه,,,وبعد اتم ايسأل عن سوق العمل وشو المطلوب حاليا…وفوق هذا كله ايشوف شو ميوله وشو اللي حابنه
ربي يوفقه الغالية
اختي راينا مب مهم على كثر مارايه أهم
هذا مستقبله اختي ,, اذا تبع شي غير الي يحبه يمكن ينجح فيه بس مستحيل يـــــــــبــدع فيه
وحرام طاقات الانسان الي رب العالمين رزقنا بيها تضيع
وربي يوفقه 
الموارد البشرية تخصص جميل و فعلا مطلوب
أما القانون هو تخصص جميل بس الواحد ما يتقيم فيه إلا بزيادة سنين الخبرة
و ان شاء الله البنات يفيدونج عن جامعة الجزيرة و بالتوفيق
خلوه هو يختار التخصص ألي هو يباه
لا تجبرونه على تخصص معين والقانون بعد حلو
اذا اختار هو بيبعد اما اذا انتوا اختروا صدقوني ما بيهتم وايد بالدراسه
وعن جامعه الجزيره انا اخويه يدرس هناك واشوفه مرتاح
والكل يمدح فيها
صج لا تجبرونه على تخصص معين
الموارد البشريه ممتع جدا ً .. بس شوي كراف للي ما يحب الدراسه
انا الحمدلله من النوع اللي احب الدراسه و بسرعه امشي حالي ..
و انا ادرس الحين بكالورياس موارد بشريه ..
بس بالنسبه للوظايف !!! اممم مآدري و الله شقولج
قدمت كذآ مكان بس للحين محد اتصل ..
يتصلون و يسمعون صوتج و يصكرون .. الله يهداهم بس ..
بالتوفيق يالغلا