شححالكم بنات منتداي
انشاءالله القى حل عندكم لهذه الحشره
حشره غريبه في بيت اختي صغيره ولونها بني وسطحه ومنتشره في كل مكان
صارلها اكثر من سنه اول ما طلعت رشوها بمبيد الحشرات تخف وترد تطلع لحد ما اختي ملت منها واتكاثرت بشكل فظيع حتى في الملابس ع السراير ع الكفرات والمخدات في كل مكان حتى الستاير
لدرجة انهم ما يقدرون ينامون منها
اللي عندها حل لا تبخل علي بيه
انزين ماتقدرين تصورينها عسب يعرفون شكلها
احسن طريقه دقي ع البلديه وخليهم اييون يجوفون شو الحل وياها
اكرررررررررره الحشراااااااااااااات ><
تسلميلي اختي
انشاءالله بحط الصوره
[IMG]http://www.*******.org/images/musfghp244ykgwblrc3r.gif[/IMG]
الغاليه اعتقد ان الحشره اللي تطرينها اسمها (بق)
لان فبيت اهلي كانت هالحشره موجوده و بكثره حتى انها تقرص
وما راحت الا يوم يبنا واحد يرش البيت و قالنا ان هالحشره اتيي ويا البشاكير الاثيوبيات لانها منتشره فبلادهن
وهالفتره اللي انتشرت فيه هالحشره كانت بشكارة امي توها يايه يديده من اثيوبيا ويوم سالناها اذا تعرف شي عن هالحشره قالت ان عندهم منها وايد فاثيوبيا
و الحمدلله صارلهم 6 شهور من رشو البيت بالمبيد و للحين ما شافوها
اتمنى اكون فدتج بشي
حبيبتي اتصلي بالبلدية قسم الحشرات وعملي بلاغ
تاني يوم بيكونو عندك وبيرشوها وان شاء الله بتخلصي منها
موفقة