السلام عليكم
اختي ملجتها الشهر الياي ،والحمد لله ربي رزقها بريال ملتزم ومدين، والحمد لله كل شيء جاهز ، بس المشكله انه ما يبي يدخل البسها الشبكه اقول لها كيف ادخل جدام 100 حرمه !!!؟؟؟ وشو المقصد اني البسج الشبكه جدامهم بلبسج اياها بروحنا وبعدين انزلي للمعازيم ؟؟؟؟؟؟؟؟؟؟؟
وهي مصره انه يدخل البسها الشبكه !!!!! واقول لها انسي اني ادخل الملجه وحتى العرس!!!
وبعد امه قالت له اني ما بسير الملجه اذا ما بتدخل وانا انتظر هل اليوم اللي اشوفك فيه معرس 
واختي قالت اكنسل كل شيء اذا ما بيدخل ،، وتقول له انا انتظر هل اليوم اللي تكون معاي جدام اهلي واهلك ؟؟؟؟؟؟؟؟؟؟؟؟؟؟
هي معانده وهو بعد
ساعدوني بليييييييييييييييييييييز
كيف اقنع خطيبها انه يدخل ؟؟؟؟
او كيف الين راس اختي ( للعلم انا امس لين الساعه 3 الفجر وانا احاول اقنعا انه معليه يمكن يستحي وخلي كل شيء اعدي على خير، مب راضيه ) ؟؟؟؟؟؟؟؟؟؟؟
انتظر ارائكم وبسرعه ارجوكم
الله يهديه إن شاءالله .. في نااس يستحوون يحدررون جداام الحريم ..
حاولوا تقنعونه .. ان ليلة وحده بالعمر .. وهاليلة مابتنعااااااااااااد 
والسموحه منج
هلا اختي
الله يتمم لاختج على خير يا رب
ترى الموضوع وايد عادي … وايد شباب يستحون يدخلون او يلبسون حريمهم الشبكة
وفي عايلات ام المعرس هي اللي تلبس العروس الشبكة
انا اشوف دام الريال بالمرة يستحي وحاولوا اهله واهلج يقنعونه يدخل وما طاع
خلاص خلوا امه هي تلبس اختج الشبكة وبينتهي الموضوع
صدقيني هي لا اول وحدة ولا اخر وحدة مب ريلها اللي يلبسها الشبكة بنفسه
خبريها جي وخل تعذر الريال لانه دامه مصر بهالطريقة ما راح تقدر تقنعه …. ولا تكبر الامور على شي مب لهالدرجة كبير يعني
اذا الريال ممتاز واخلاقه طيبة وملتزم … ليش تضيعه من ايدها على سبب مب مهم للهدرجة ؟
الله يستر عليها ويوفقها
بعد ليش هالشكليات صدجه الريال شو العبره من انه يلبسج الشبه
نحن بالمره ما عندنا هالشكليات واذا ما يبى تراه تلبيس الشبكه مب كل شئ واذا من الحين يعاندون بعض الله يعين بعدين في حياتهم شو بيسون
اقنعي اختج و عن تيبس الراس وتحمد ربها انه ملتزم مب كل يوم بتحصل ريال مثل هذا
الله يهديهم جميع
الغالية لاااااااازم الناس اشوفهم..خبري اختج وقوليها الناس ما اتقول كلمة خير ..
تبا يلبسها خلوهم برحهم ولا أنت الاهل وياهم ويلبسها..مب لازم جدام العالم ..والعناد ما منه فايده ..وخل اهله يرمسونه أحسن
مب لازم ايليسا هو جدام الناس و الحمدلله انه ماتزم خل اخته او امه اتلبسا وهو ايلبسا جدام الاهل فقط و بيرضا واذا مارضا عادي والله يوفقها فلتكن له امة يكن لها عبدا مطيعا
والله انا اشوف ريلها كلامه صح … لان هالشيء تقليد للاجانب وبعدين هي لازم تفرح ان ريلها مايحب يدش عند الحريم يعني ريلها انسان اوكيه ويخاف ربه مب عينه زايغغه … وبعدين هذا يمنع الفتنه اتخيلي يدش وطبعا لازم في الملجه بيكونون البنات كلهم ممتكشخات اخر كشخه .. اتخيلي اطيحه عينه على وحده ويعجب في شكلها ومنظرها اكثر من اختج ويفتتن فيج … على فكره هالكلام والله مايبته من عندي حتى اخويه مره جي قالي قال حرام والله المعرس يدش وحرمته متعدله له وهو يطالع غيرها ويندم ان في احلى عنها ….. والله انا اشوف تلبي رغبات ريلها لان هالشي في مصلحتها …وبعدين هي لا تخرب الزواج على متعه عمرها ثواني ودقايق وبتنتهي ….