بنات انا اعتقد ان اللي بذكره في موظوعي واااايد مهم وبيفيدكم انشاالله . اول شي بخصوص البنات اللي كل وحدة سايرة ماخذة دورة مكياج و مسمية عمرها خبيرة تجميل يعني مساوية نفسها ب حنان دشتي و هاييل اللي هم صدق خبيرات تجميل و للاسف يحطون صور ملعوب فيها في الفوتوشوب و يقولون هذا شغلهم و للاسف البنات عقب ما اييبونهم يتحسفون على بيزاتهم ويكتئبون من الشغل الزفت اللي لو روحج تحطين مكياج بيطلع احلى و ارقى..
صدقوني يا بنات هذا الكلام عن تجربة ودايما خلج على الشي اللي تعرفينه احسن عن اللي ما تعرفينه.. الناس بايعة ضمايرها عشان الفلوس و ما تفتكر في حد.. والقهر الاكبر ان تحصلين لج وحدة مادحين مكياجها مديح اليهد و يوم تييبينها تقولين استحالة ان هذا المكياج هو اللي يطرونه.. الله يعلم بس عادي تكون وحدة منهم مسجلة بأكثر من اسم و تنزل مواضيع تمدح عمرها…
عالعموم سيري حق اللي تعرفينه و اللي مجربتنه حتى لو في الصوالين و لا تصدقين المنتديات هذا عن تجربة و الايام بتثبت لكم هذا الشي..
والله ان وحدة من المنتدى (خبيرة تجميل اونه) يبتها و ياليتنى ما يبتها و الله مكياجها ما يسوى خمس دراهم لدرجة اني كنت سايرة اسوي شعري في صالون عمرو قالو لي شو هالمكياج ومنو لاعب فويهج ..والله ان روحي احط احلى و انظف مليون مرة ومكياجي ماركات اما هاي مكياجها كان اغلبة لو كلاس ..
انا بريت ذمتي و نصحتكم ..اللهم بلغت اللهم فاشهد
انا معاج بس ترا مب الكل شي من البنات مبتدئات بس شغلهم ولا اورع 
هذا رايي الشخصي وعلى فكره غناتي كل الماكيرات المعروفات مثل منيرة منصور و هند الاميري وهيفا صفر واغلب الماكيرات حتى الوافدات امثال رندا وهاله ولميس ووايد وايد يدخلون المنتدى ومشاركين فييييه يعني المنتدى يتضمن الخبيرات القدام والمعروفات وبعد فييه الخبيرات المبتدئات ومافي حد يجبر حد انه يسوي عنده كل حد بارادته
والسموحه منج
منو هالخبيره عشان مانيبها
ربي يعينج اختي بس على كولتج التجربة اكبر برهان والبنات يعرفون منو يختارون مشكورة وجزاج الله خير
التجربة اكبر برهان والبنات يعرفون منو يختارون مشكورة
وحرام اصلا اللي بس اتفكر فالمادة…
الله يعينا نحن اللي ضايعييين في وسط هالمعمعة مالت المكياج والغلا وأنا أشتري مكياج ماركات وروحي اتدرب على عمري وأطلع ولا أرووع أنا أشووف ان البنت أكثر وحدة تعرف لعمرها من اي خبيرة
الله المستعااااااان